എച്ച് എം ഡി ഗ്ലോബല്‍ തങ്ങളുടെ നോകിയ സീരീസിലെ പെന്റാ ക്യാമറ സ്മാര്‍ട്ട്‌ഫോണ്‍ നോകിയ 9 പ്യുവര്‍ വ്യൂ എന്ന മോഡല്‍ ഉടന്‍ വിപണിയിലെത്തും. അഞ്ചു പിന്‍ക്യാമറകളും ഒരു മുന്‍ ക്യാമറകളുടെ വിന്യാസമാണ് നോകിയ 9 പ്യുവര്‍ വ്യൂവിനെ വ്യത്യസ്തമാക്കുന്നത്. 

പിന്‍ഭാഗം നിറഞ്ഞുനില്‍ക്കുന്ന വിധത്തില്‍ ഷഡ്ഭുജാകൃതിയിലാണ് ക്യാമറകളുടെ വിന്യാസം. പെന്റാ ക്യാമറ യൂണിറ്റിലെ അഞ്ചു ക്യാമറകളും ഒരേ സമയം ചിത്രമെടുത്ത് അവ അഞ്ചും ഏകീകരിച്ച് ഒറ്റ ചിത്രമായി നല്‍കുമെന്നാണ് കമ്പനി അവകാശപ്പെടുന്നത്. 

12 എംപി മൂന്നു മോണോക്രോം, രണ്ട് ആര്‍ ജി ബി ലെന്‍സുകളാണ് പിന്‍ക്യാമറയിലുള്ളതെങ്കില്‍ 20 എംപി സെല്‍ഫി ക്യാമറയാണ് മുന്നിലുള്ളത്. കൂടാതെ, 5.99 ഇഞ്ച് 2കെ സ്‌ക്രീന്‍, ക്വാല്‍കോം സ്‌നാപ്ഡ്രാഗണ്‍ 845 സോക്, ആന്‍ഡ്രോയ്ഡ് 9 പൈ ഒഎസ്, 6 ജിബി റാം, 128 ജിബി റോം, 3,320 എം എ എച്ച് ബാറ്ററി, വയര്‍ലെസ് ചാര്‍ജിംഗ് എന്നിവയാണ് നോകിയ 9 പ്യുവര്‍ വ്യൂവിന്റെ ഫീച്ചറുകള്‍. 3.5 എംഎം ഓഡിയോ ജാക്ക് ഇല്ല എന്ന പ്രത്യേകതയുമുണ്ട്. 

ഏകദേശം 49,700 രൂപയാണ് ഈ സ്മാര്‍ട്ട്‌ഫോണിന്റെ വില. മാര്‍ച്ചില്‍ മാത്രമേ വില്പന തുടങ്ങുകയുള്ളു. ലോകവ്യാപകമായി തെരഞ്ഞെടുക്കപ്പെട്ട മാര്‍ക്കറ്റുകളില്‍ പ്രീ ഓര്‍ഡര്‍ സംവിധാനം കുറന്നിട്ടുണ്ട്.