മിഡില്‍ ഈസ്റ്റിലെ ഏറ്റവും വലിയ ഹൈപ്പര്‍മാര്‍ക്കറ്റ് ശൃംഖലയായ ലുലു, ഷാര്‍ജയിലെ അല്‍ നബായിലെ റോള എന്ന സ്ഥലത്ത് ലുലു ഗ്രൂപ്പിന്റെ എട്ടാം ഹൈപ്പര്‍മാര്‍ക്കറ്റ് തുറന്നു പ്രവര്‍ത്തനം ആരംഭിച്ചു. റോള മുബാറക് സെന്ററിനടുത്തതായി അല്‍ ശര്‍ഖ് സ്ട്രീറ്റിലാണ് 85,000 ചതുരശ്ര അടി വിസ്തീര്‍ണത്തില്‍ മൂന്ന് നിലകളിലായി ഹൈപ്പര്‍ മാര്‍ക്കറ്റ് ഒരുക്കിയിരിക്കുന്നത്. ഇതിന്റെ ഉദ്ഘാടനം റൂളേഴ്‌സ് കോര്‍ട്ട് മേധാവി ഷെയ്ഖ് സാലെം ബിന്‍ അബ്ദുല്‍ റഹ്മാന്‍ അല്‍ ഖാസിമി നിര്‍വ്വഹിച്ചു. യു.എ.ഇയില്‍ 12 എണ്ണം ഉള്‍പ്പെടെ ഗള്‍ഫ് രാജ്യങ്ങളില്‍ ഒരു വര്‍ഷത്തിനകം 32 ഹൈപ്പര്‍ മാര്‍ക്കറ്റുകള്‍ പുതുതായി തുറക്കുമെന്ന് ലുലു ഗ്രൂപ്പ് ചെയര്‍മാന്‍ എം.എ. യൂസഫലി പറഞ്ഞു.