ജീവനക്കാരെ ഞെട്ടിച്ച് സെക്‌സ് ഉപദേശവുമായി ജാക്ക് മാ; രൂക്ഷവിമര്‍ശനവുമായി ജീവനക്കാര്‍
ജീവിതത്തില്‍ പുരോഗതി കൈവരിക്കാന്‍ സെക്‌സ് സംബന്ധമായ ഉപദേശവുമായി പ്രമുഖ ചൈനീസ് ഓണ്‍ലൈന്‍ കമ്പനിയായ ആലിബാബയുടെ തലവന്‍ ജാക്ക് മാ. യുവാക്കള്‍ കൂടുതല്‍ സമയം ജോലി ചെയ്യാന്‍ തയ്യാറാകണമെന്ന ഉപദേശത്തിന് പിന്നാലെയാണ് പുതിയ നിര്‍ദ്ദേശം. ആഴ്ചയില്‍ ആറുദിവസം സെക്‌സില്‍ ഏര്‍പ്പെടാനാണ് ജീവനക്കാരോട് ഉപദേശിച്ചത്. ആഴ്ചയില്‍ ആറുതവണ ഇത്തരത്തില്‍ ലൈംഗിക ബന്ധത്തില്‍ ഏര്‍പ്പെടാനും അദ്ദേഹം ആവശ്യപ്പെട്ടു. ഒമ്പതുമണിക്കൂര്‍ സമയക്രമം നിശ്ചയിച്ചു നല്‍കിയ അദ്ദേഹം 996 ഫോര്‍മുലയാണ് മുന്നോട്ടുവെച്ചത്. ജീവനക്കാരുടെ ഒത്തുചേരലിലാണ് എല്ലാവരെയും ഞെട്ടിച്ചുകൊണ്ടുളള ജാക്ക് മായുടെ ആഹ്വാനം വന്നത്.
തൊഴിലിടത്ത് പ്രതിദിനം ഒന്‍പതു മണി മുതല്‍ ഒന്‍പതു മണി വരെ 12 മണിക്കൂര്‍ ജോലി ചെയ്യാന്‍ ജാക്ക് മാ ആഹ്വാനം ചെയ്തത് വലിയ വിവാദമായിരുന്നു. ഇത്തരത്തില്‍ ഒരാഴ്ചയില്‍ ആറുദിവസം ജോലി ചെയ്യാനും ഇതിലൂടെ കൂടുതല്‍ സമ്പാദിക്കാനുമായിരുന്നു ജാക്ക് മായുടെ നിര്‍ദ്ദേശം. ഇതിന് സമാനമായ രീതിയില്‍ ജീവിതത്തില്‍ വിജയം നേടാനുളള ഉപദേശം നല്‍കിയാണ് ജാക്ക് മാ വീണ്ടും വാര്‍ത്തകളില്‍ ഇടംപിടിച്ചത്. ജോലി സമയം കൂട്ടാന്‍ ആവശ്യപ്പെട്ടു കൊണ്ടുളള ഉപദേശത്തിന് ലഭിച്ചത് പോലെ വലിയ വിമര്‍ശനമാണ് ജാക്ക് മായുടെ പുതിയ നിര്‍ദ്ദേശത്തിന് കിട്ടിയത്. ഇത് ആഭാസമാണ് എന്നാണ് ചിലരുടെ അഭിപ്രായം. ഒന്‍പതു മണി മുതല്‍ ഒമ്പതു മണി വരെ ജോലി ചെയ്യാന്‍ നിര്‍ബന്ധിതനാകുന്ന ഒരാള്‍ക്ക് ആഴ്ചയില്‍ ആറുദിവസം ആറുതവണ എന്ന തലത്തില്‍ സെക്‌സില്‍ ഏര്‍പ്പെടാന്‍ സാധിക്കുന്നത് ഏങ്ങനെ എന്ന ചോദ്യമാണ് നിരവധിപ്പേര്‍ ഉന്നയിക്കുന്നത്.
https://www.facebook.com/Malayalivartha
