ഫുട്‌ബോള്‍ കളിക്കാര്‍ക്കായി അന്താരാഷ്ട്ര ബ്രാന്‍ഡായ അഡിഡാസ് അവരുടെ ഏറ്റവും നൂതനമായ ബൂട്ട് മോഡലായ നെമിസിസ് 19 വിപണിയിലിറക്കി. ഫുട്‌ബോള്‍ മൈതാനത്ത് ഏതു തരത്തിലുള്ള ചടുലവുമായ നീക്കങ്ങള്‍ക്കും മികച്ച പ്രകടനങ്ങള്‍ക്കും പിന്തുണയേകുന്നതരത്തില്‍ ഏറ്റവും നവീന രീതിയില്‍ നിര്‍മ്മിച്ചിരിക്കുന്ന ബൂട്ടുകളാണ് നെമിസിസ്19

ഇതിന്റെ വി ആകൃതിയിലുള്ള ടേപ് കോളാര്‍ കാല്‍ക്കുഴകളുടെ നിരന്തരമായ ചലനത്തെ പരിമിതപ്പെടുത്താതെ ഒരു മികച്ച ആവരണമായി പ്രവര്‍ത്തിക്കുന്നു. അഡിഡാസ് നെമിസിന്റെ ടെന്‍ഷന്‍ ടേപ്പ് കാലിനു ചുറ്റും ഒരു മികച്ച ഫിറ്റ് നല്‍കുന്നു. ഇതിന്റെ അഡാപ്റ്റീവ് ടേപ് ഏതു ദിശയിലേക്കുമുള്ള ചടുലവും ഉറച്ചതുമായ നീക്കങ്ങള്‍ക്ക് കരുത്തേകുന്നു. ചുവന്ന നിറം നല്‍കിയിരിക്കുന്ന ബൂട്ടില്‍ മെറ്റാലിക് നിറത്തിലുള്ള മൂന്ന് സ്‌ട്രൈപ്പുകള്‍ കൊണ്ട് ഹൈലൈറ്റ് ചെയ്യപ്പെട്ടിരിക്കുന്നു. ഇലക്ട്രിക് റെഡ് അപ്പര്‍, വൈറ്റ് മിഡ്‌സോള്‍, റെഡ് സ്റ്റഡുകള്‍, മൂന്ന് സില്‍വര്‍ സ്ട്രിപ്പുകള്‍ എന്നിവയോടുകൂടിയാണ് നെമിസിസ് 19 വിപണിയിലെത്തുക. നെമിസിസ് 19.0 - 22,999 രൂപ, നെമിസിസ് 19.1 - 14,999 രൂപ, നെമിസിസ് 19.3 - 5,999 മുതല്‍ 6,999 രൂപ, നെമിസിസ് 19.4 - 4,599 രൂപ എന്നിങ്ങനെയാണ് വിലവിവരം.

പ്രമുഖ താരങ്ങളായ മെസി, ഇസ്‌കോ ഫെര്‍മിനോ എന്നിവര്‍ അഡിഡാസിന്റെ നൂതന മോഡലായ നെമിസിസ് 19 അണിഞ്ഞാകും കളത്തിലിറങ്ങുക. മെയ് 7 മുതല്‍ നെമിസിസ് 19 എല്ലാ റീടെയ്ല്‍ ഷോപ്പുകളിലും ഓണ്‍ലൈനിലും ലഭ്യമാകും.