റെഡ്മി നോട്ട് 10 ശ്രേണിയിലെ നാലാമനായി റെഡ്മി നോട്ട് 10Sനെ ഷഓമി വിപണിയിലെത്തിച്ചിരുന്നു . ഡീപ് സീ ബ്ലൂ, ഫ്രോസ്റ്റ് വൈറ്റ്, ഷാഡോ ബ്ലാക്ക് എന്നിങ്ങനെ മൂന്ന് നിറങ്ങളില്‍ ഫോണ്‍ വിപണിയിലെത്തിയിരുന്നു. മറ്റൊരു നിറത്തില്‍ കൂടി റെഡ്മി നോട്ട് 10S ഇനി മുതൽ ലഭ്യമാകുന്നു .

കോസ്മിക് പര്‍പ്പിള്‍ എന്നാണ് ഷഓമിയുടെ പുതിയ നിറത്തിന്റെ പേര്. മറ്റു മൂന്ന് നിറങ്ങളേക്കാള്‍ വ്യത്യസ്തമായ വയലറ്റ് നിറത്തിന്റെ സ്പെഷ്യല്‍ ഡിസൈനിലാണ് കോസ്മിക് പര്‍പ്പിള്‍ പതിപ്പ് എത്തുക.

വിലയിൽ മാറ്റമൊന്നുമില്ല . റെഡ്മി നോട്ട് 10 എസ്സിന്റെ 6 ജിബി റാം + 64 ജിബി സ്റ്റോറേജുള്ള പതിപ്പിന് 14,999 രൂപ, 6 ജിബി റാം + 128 ജിബി സ്റ്റോറേജുള്ള പതിപ്പിന് 15,999 രൂപ . ആന്‍ഡ്രോയിഡ് 11 അടിസ്ഥാനമാക്കിയുള്ള എംഐയുഐ 12.5 ഓപ്പറേറ്റിംഗ് സിസ്റ്റത്തില്‍ ആണ് സ്മാര്‍ട്ട്ഫോണ്‍ പ്രവര്‍ത്തിക്കുന്നത്. 1,100 നിറ്റ്സ് പീക്ക് ബ്രൈറ്റ്നെസ്സുള്ള 6.43 ഇഞ്ച് ഫുള്‍ എച്ച്‌ഡി + (1,080x2,400 പിക്‌സല്‍) അമോലെഡ് ഡിസ്‌പ്ലേയാണ് റെഡ്മി നോട്ട് 10എസ്സിന്.

കോര്‍ണിങ് ഗൊറില്ല ഗ്ലാസ് 3 സംരക്ഷണവും ഫോണിനുണ്ട്. 6 ജിബി വരെ റാമുമായും മാലി-G76 MC4 ജിപിയുവുമായി ചേര്‍ന്ന് പ്രവര്‍ത്തിക്കുന്ന മീഡിയടെക് ഹീലിയോ ജി 95 SoC പ്രോസസ്സര്‍ ഉണ്ട്. 33W ഫാസ്റ്റ് ചാര്‍ജിംഗുള്ള 5,000 എംഎഎച്ച്‌ ബാറ്ററിയാണ് റെഡ്മി നോട്ട് 10S-ല്‍ ഉള്ളത്.

എഫ് / 1.79 അപ്പേര്‍ച്ചറുള്ള 64 മെഗാപിക്സല്‍ പ്രധാന ക്യാമറ, എഫ് / 2.2 അപ്പേര്‍ച്ചറുള്ള 8 മെഗാപിക്സല്‍ അള്‍ട്രാ വൈഡ് ക്യാമറ (118 ഡിഗ്രി ഫീല്‍ഡ് ഓഫ് വ്യൂ), എഫ് / 2.4 അപ്പര്‍ച്ചറുള്ള 2 മെഗാപിക്സല്‍ മാക്രോ കാമറ, എഫ് / 2.4 അപ്പേര്‍ച്ചറുള്ള 2 മെഗാപിക്സല്‍ ഡെപ്ത് സെന്‍സറും ഉള്‍പ്പെടുന്ന ക്വാഡ് ക്യാമെറായാണ് റെഡ്മി നോട്ട് 10എസ്സിന് നല്‍കിയിട്ടുണ്ട്.

എഫ് / 2.45 അപ്പേര്‍ച്ചറുള്ള 13 മെഗാപിക്സല്‍ സെല്‍ഫി ക്യാമെറായാണ് മുന്‍ വശത്തുള്ളത് . 4ജി , 3.5 എംഎം ഓഡിയോ ജാക്ക്, ഡ്യുവല്‍-ബാന്‍ഡ് വൈ-ഫൈ, ബ്ലൂടൂത്ത് വി5 എന്നിവയാണ് പ്രധാന കണക്ടിവിറ്റി ഓപ്ഷനുകളായിട്ട് ഉൾപ്പെടുത്തിയിരിക്കുന്നത്.