ഇനി പണമടക്കാം ഒറ്റക്ലിക്കില്‍
ഒറ്റ ക്ലിക്കില്‍ പണമടയ്ക്കാനാകുന്ന സേവനമൊരുക്കാന്‍ ഫെഡറല്‍ ബാങ്കും റിലയന്‍സ് ജിയോ മണിയും കൈകോര്‍ക്കുന്നു. ഇത് സംബന്ധിച്ച കരാറില്‍ ഇരുവരും ഒപ്പിട്ടു. മൊബൈലുകളില്‍a ഉപയോഗിക്കാനാകുംവിധം ഉടന്‍ അവതരിപ്പിക്കുന്ന വാലറ്റ് ആപ്ലിക്കേഷനാണ് റിലയന്‍സ് ജിയോ മണി. ഫെഡറല്‍ ബാങ്കിന്റെ ഉപഭോക്താക്കള്‍ക്ക് ഈ വാലറ്റില്‍ ലഭ്യമായ വിവിധ സേവനങ്ങളിലേക്കു നേരിട്ടു പണമടയ്ക്കാനുള്ള സേവനം ലഭ്യമാകും. അതിനായി വാലറ്റില്‍ പണം നിക്ഷേപിക്കേണ്ടതില്ലെന്നതാണു പ്രത്യേകത. സാധാരണയായി വാലറ്റില്‍ ബാലന്‍സ് നിലനിര്‍ത്താന്‍ ഇടപാടുകാര്‍ നിര്‍ബന്ധിതരാകാറുണ്ട്. എന്നാല്‍, ഇവിടെ ബാങ്ക് ഉപഭോക്താക്കള്‍ക്ക് ഇടപാടു നടത്തുന്നതുവരെ പണം തങ്ങളുടെ ബാങ്ക് അക്കൗണ്ടില്‍തന്നെ നിലനിര്‍ത്താനാകും. പദ്ധതി പ്രാബല്യത്തിലായാല്‍ ഇടപാടുകാര്‍ക്ക് ഒറ്റ ക്ലിക്കില്‍തന്നെ ഒട്ടേറെ പണമിടപാടുകള്‍ നടത്താനുള്ള സൗകര്യം ലഭ്യമാകും.
ആപ്ലിക്കേഷനില്‍ ലഭ്യമായ സേവനങ്ങള്‍ ഉപയോഗിക്കാനും ബാങ്ക് അക്കൗണ്ടില്‍ പണം നിലനിര്‍ത്താനും ഈ സംവിധാനത്തിലൂടെ ബാങ്കിന്റെ ഉപഭോക്താക്കള്‍ക്കു സാധിക്കും.
https://www.facebook.com/Malayalivartha
