മോട്ടോ ഇയുടെ പവര്‍ സ്മാര്‍ട് ഫോണ്‍ പുതിയ സ്മാര്‍ട്ട് വിപണി കീഴടക്കുന്നു. വെറും15 മിനിറ്റു ചാര്‍ജ് ചെയ്താല്‍ അഞ്ചുമണിക്കൂര്‍ പ്രവര്‍ത്തിക്കുമെന്നതാണ് ഈ ഫോണിന്റെ പ്രത്യേകത . വിലയാണെങ്കില്‍ 7999 രൂപ മാത്രമേ ഉള്ളു.
സെപ്റ്റംബര്‍ പത്തൊമ്പതു മുതല്‍ ഫ്‌ളിപ്കാര്‍ട്ടില്‍ ഫോണ്‍ ലഭ്യമാണ്. 3500 എംഎഎച്ചിന്റെ ബാറ്ററിയാണു ഫോണിലുള്ളത്. തൊട്ടുമുമ്പത്തെ മോട്ടോ ഇ മോഡലില്‍ 2800 എംഎഎച്ചിന്റെ ബാറ്ററിയായിരുന്നു ഉണ്ടായിരുന്നത്.
അഞ്ച് ഇഞ്ച് എച്ച്ഡി ഡിസ്‌പ്ലേ. 64 ബിറ്റ് എംടി6735 ക്വാര്‍ഡ് കോര്‍ 1.0 ജിഗാഹെര്‍ട്‌സ് പ്രൊസസര്‍. രണ്ടു ജിഗാബൈറ്റ് റാം എന്നിവയാണു ഫോണിന്റെ പ്രത്യേകതകള്‍. ആന്‍ഡ്രോയ്ഡ് 6.0 മാര്‍ഷ്മാല്ലോയാണ് ഓപ്പറേറ്റിംഗ് സിസ്റ്റം. എട്ട് മെഗാപിക്‌സലിന്റെ പ്രധാന കാമറയും 5 മെഗാപിക്‌സലിന്റെ ഫ്രണ്ട് കാമറയുമാണു ഫോണിലുള്ളത്.
16 ജിബി ഇന്റേണല്‍ മെമ്മറി. 32 ജിബി വരെ മെമ്മറി വികസിപ്പിക്കാം. എസ്ബിഐയുടെ ഡെബിറ്റ്, ക്രെഡിറ്റ് കാര്‍ഡുകള്‍ മുഖേന ഫോണ്‍ വാങ്ങിയാല്‍ അഞ്ഞൂറു രൂപ വിലവരുന്ന 32 ജിബിയുടെ മൈക്രോ എസ്ഡി കാര്‍ഡ് സൗജന്യമായി ലഭിക്കും.