2.57 മില്ലീമീറ്റര്‍ മാത്രം കട്ടിയുള്ള ടെലിവിഷനുമായി എല്‍ജി; ഭിത്തിയില്‍ തൂക്കിയിടാന് കാന്തം മതി
കേവലം 2.57 മില്ലീമീറ്റര്‍ മാത്രം വീതിയുള്ള ടെലവിഷനുമായി എല്‍ജി. യുഎസിലെ ലാസ് വേഗസ്സില്‍ ബുധനാഴ്ചയാണ് ഈ ടിവി കമ്പനി അവതരിപ്പിച്ചത്.
തീര്‍ത്തും നേര്‍ത്ത എല്‍ജി ഒഎല്‍ഇഡി ഡബ്ല്യു ടെലിവിഷന്‍ 77 ഇഞ്ചു വരെ വലിപ്പത്തില്‍ ലഭിക്കും. കാന്തത്തിന്റെ സഹായത്തോടെ ഭിത്തിയില്‍ തൂക്കിയിടാം. ഈ വാള്‍പേപ്പര്‍ ടിവി എന്നാണ് വിപണിയിലിറക്കുന്നതെന്നോ എന്തു വില വരുമെന്നോ കമ്ബനി വ്യക്തമാക്കിയിട്ടില്ല. ബില്‍ട്ട് ഇന്‍ വൈഫൈ, നാല് എച്ച്ഡിഎംഐ പോര്‍ട്ടുകള്‍, 4കെ വീഡിയോ, എച്ച്ഡിആര്‍ ടെക് എന്നീ സൗകര്യങ്ങള്‍ ടിവിയില്‍ ഉണ്ടാകും. അ്ന്തരീക്ഷത്തില്‍ ചിത്രങ്ങള്‍ പ്രത്യക്ഷപ്പെടുന്ന അനുഭവമായിരിക്കും ടെലിവിഷന്‍ നല്‍കുകയെന്ന് കമ്പനി വാഗ്ദാനം ചെയ്യുന്നു.
ഇതോടൊപ്പം സൂപ്പര്‍ അള്‍ട്രാ ഹൈ ഡെഫനിഷന്‍ ടെലിവിഷന്‍ നിരയും എല്‍ജി അവതരിപ്പിച്ചിട്ടുണ്ട്. കമ്പനി സ്വന്തമായി വികസിപ്പിച്ച നാനോ സെല്‍ ഡിസ്‌പ്ലേ സാങ്കേതികവിദ്യായാണ് ഇതില്‍ ഉപയോഗിക്കുന്നത്.
https://www.facebook.com/Malayalivartha
