3 ഡി വീടുകൾ വരുന്നു

01 MARCH 2017 02:30 PM IST

മലയാളി വാര്‍ത്ത

പുതിയ സൗജന്യ എഐ പ്രോഗ്രാമുമായി എന്‍ട്രി...

ഐടി ജീവനക്കാര്‍ക്കായുള്ള ബിസിനസ് ക്വിസ് ലീഗിന് ടെക്നോപാര്‍ക്ക് വേദിയാകും; ആറു മാസം നീളുന്ന ലീഗ് ആഗസ്റ്റില്‍ ആരംഭിക്കും...

കേരള സ്റ്റാര്‍ട്ടപ്പായ ആലിബൈ ഗ്ലോബലും ഐഐടി ബോംബെയും ടെക്നോളജി കരാര്‍ ഒപ്പുവെച്ചു:- അത്യാധുനിക സ്ഫെറിക്കല്‍ റോബോട്ട് സാങ്കേതികവിദ്യ പങ്കിടും...

കേരള ഐടി ഇന്ത്യന്‍ സൈന്യവുമായി കൈകോര്‍ത്ത് സംഘടിപ്പിച്ച എക്സ്പോ ശ്രദ്ധേയം...

വീട്ടില്‍ ത്രീഡി തീയറ്റര്‍ ക്രമീകരിക്കുന്നതും വീട്ടുമുറ്റത്ത് ത്രീ-ഡി പെയിന്‍റിംഗുകള്‍ വരപ്പിക്കുന്നതും ഒക്കെ പഴം കഥയായി മാറുന്നു.ഇനി വീട് തന്നെ ത്രീഡി പ്രിന്‍റിംഗ് മുഖേന നിർമ്മിക്കുന്ന കാലം വരുന്നു. വീടുനിർമ്മാണത്തിനു വരുന്ന കാല താമസവും ഒഴിവാക്കാം. വീട് വേണമെന്ന് ആഗ്രഹിക്കുമ്പോൾ തന്നെ വീടിന്റെ ഗൃഹപ്രവേശവും നടത്താം . 200 ചതുരശ്ര മീറ്റര്‍ വലിപ്പമുള്ള ത്രീഡി വീടുകള്‍ നിർമ്മിക്കാൻ വെറും ഒരു ദിവസം മതി. പെന്‍സില്‍ വാനിയ സ്വദേശിയായ 19 കാരൻ ക്രിസ് കെല്‍സിയാണ് ഈ വാഗ്ദാനവുമായി മുന്നോട്ടുവന്നിരിക്കുന്നത്. കസ്സ കണ്‍സ്ട്രക്ഷന്‍ എന്ന സ്ഥാപനത്തിന്‍െറ സ്ഥാപകനാണ് ക്രിസ് കെല്‍സി. ത്രീഡി പ്രിന്‍റിംഗിന്‍െറ സാധ്യതകള്‍ക്ക് ഏറ്റവുമധികം വിലകല്‍പ്പിക്കുന്ന ദുബായ് ആണ് ഇപ്പോള്‍ പ്രവര്‍ത്തന കേന്ദ്രം. ക്രിസ് പറയുന്നത് വിശ്വസിക്കാമെങ്കില്‍ ഒരു ഓംലെറ്റ് ഉണ്ടാക്കുന്നത്ര എളുപ്പമാണ് ത്രീഡി വീടുവെക്കാന്‍. രണ്ട് ജോലിക്കാരും യന്ത്രങ്ങളുമുണ്ടെങ്കില്‍ കാര്യം നിസാരം. ത്രീഡി സാങ്കേതിക നിലവാരമനുസരിച്ച ഡിസൈന്‍ തയ്യാറാക്കി മെഷീന്‍ നിര്‍മാണ സൈറ്റിലത്തെിക്കും. ഒരാള്‍ മെഷീനിന്‍െറ പ്രവര്‍ത്തനം നിയന്ത്രിക്കണം, അടുത്തയാള്‍ കേബിളുകളും സ്റ്റീല്‍ ബാറുകളും ക്രമീകരിക്കണം. അവ യഥാസ്ഥാനങ്ങളിലത്തെിക്കഴിഞ്ഞാല്‍ ബാക്കി പടവു പണികളെല്ലാം മെഷീന്‍ നോക്കിക്കൊള്ളും. നിലവിലെ നിര്‍മാണ രീതിയെക്കാള്‍ ചെലവു വരുന്നതാണ് ത്രീഡി വീടു നിര്‍മാണം. എന്നാല്‍ ഏറിവരുന്ന നിര്‍മാണ ചെലവും കാലതാമസവും കണക്കാക്കുമ്പോള്‍ വൈകാതെ ത്രീ ഡി വീടുകൾക്ക് പ്രചാരമേറുമെന്നാണ് ഇയാളുടെ വിലയിരുത്തല്‍. അതോടെ നിര്‍മാണ മേഖലയില്‍ തൊഴിലാളികൾ ആവശ്യമില്ലാത്ത അവസ്ഥയും വന്നുചേരും. 2030 ഓടെ പുതിയ കെട്ടിടങ്ങളില്‍ 25 ശതമാനവും ത്രീഡിയിലാക്കാനാണ് ദുബൈയുടെ പദ്ധതി. 2019 മുതല്‍ നഗരസഭയുടെ നിര്‍മാണ അനുമതി ലഭിക്കാന്‍ കെട്ടിടത്തില്‍ രണ്ടു ശതമാനമെങ്കിലും ത്രീഡി സംവിധാനങ്ങള്‍ വേണമെന്ന വ്യവസ്ഥയും പ്രാബല്യത്തില്‍ വരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha