2000 രൂപയുടെ 4ജി ഫോണുമായി ജിയോ
15 MARCH 2017 03:56 PM IST
മലയാളി വാര്‍ത്ത
സ്മാര്‍ട്ട്‌ഫോണ്‍ വിപണി പിടിച്ചെടുക്കാന്‍ വന്‍ പദ്ധതികളുമായി റിലയന്‍സ് ജിയോ രംഗത്ത്. ഗൂഗിളിനെ കൂട്ടുപിടിച്ച് വിലകുറഞ്ഞ 4ജി ഹാന്‍ഡ്‌സെറ്റുകള്‍ വിപണിയിലെത്തിക്കാനാണ് പദ്ധതി. ഗൂഗിള്‍ ബ്രാന്‍ഡ് ഉപയോഗപ്പെടുത്തി സ്മാര്‍ട്ട്‌ഫോണ്‍ വിപണി പിടിച്ചെടുക്കാന്‍ കഴിയുമെന്നാണ് റിലയന്‍സ് ജിയോ പ്രതീക്ഷിക്കുന്നത്. ഈ ഹാന്‍ഡ്‌സെറ്റിനൊപ്പം ജിയോ സിമ്മും ജിയോ സര്‍വീസുകളും നല്‍കും. ഈ വര്‍ഷം അവസാനത്തോടെ 4ജി ഹാന്‍ഡ്‌സെറ്റ് വിപണിയിലെത്തും.
ഡിജിറ്റല്‍ ഇന്ത്യയുടെ ഭാഗമായി എല്ലാവര്‍ക്കും കുറഞ്ഞ നിരക്കില്‍ 4ജി ഹാന്‍ഡ്‌സെറ്റ് ലഭ്യമാക്കുക എന്നതാണ് ജിയോ-ഗൂഗിള്‍ ലക്ഷ്യം. ഗൂഗിള്‍ സിഇഒ സുന്ദര്‍ പിച്ചൈ അടുത്തിടെ സന്ദര്‍ശനം നടത്തിയപ്പോള്‍ വിലകുറഞ്ഞ 4ജി സ്മാര്‍ട്ട്‌ഫോണിനെ കുറിച്ച് സൂചന നല്‍കിയിരുന്നു. ഏകദേശം 2000 രൂപ വിലയുള്ള ഹാന്‍ഡ്‌സെറ്റ് പുറത്തിറക്കുമെന്നാണ് സൂചന.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
