ഗൂഗിളില്‍ സ്ത്രീകള്‍ക്ക് സ്ഥാനമുണ്ടെന്ന് സി.ഇ.ഒ പി സുന്ദര്‍ പിച്ചെ. സോഫ്റ്റ്‌വെയര്‍ വ്യവസായങ്ങളില്‍ സ്ത്രീകള്‍ക്ക് സ്ഥാനമുണ്ട്, മറിച്ച് പറയാന്‍ ആരെയും അനുവദിക്കില്ലന്നും അദ്ദേഹം തുറന്നടിച്ചു. ഗൂഗിള്‍ കാമ്പസില്‍ സ്ത്രീകളെ അഭിസംബോധന ചെയ്തുകൊണ്ട് സംസാരിക്കുകയായിരുന്നു പിച്ചെ.

ജൈവിക ഘടന അനുസരിച്ച് ടെക്‌നിക്കല്‍ ജോലികള്‍ക്ക് സ്ത്രീകള്‍ക്ക് അനുയോജ്യരല്ലെന്ന ഗൂഗിള്‍ സോഫ്റ്റ് വെയര്‍ എഞ്ചിനീയര്‍ അയച്ച സന്ദേശം വിവാദമായതിന്റെ പശ്ചാത്തലത്തിലാണ് സി.ഇ.ഒയുടെ പ്രസ്താവന.