ടാറ്റാ ഡോകോമോ, ഫോട്ടോണ്‍ ശ്രേണിയില്‍ പുതിയ അണ്‍ലിമിറ്റഡ്‌ പോസ്റ്റ്‌ പേ പ്ലാനുകള്‍ അവതരിപ്പിച്ചു. ഫോട്ടോണ്‍ പോസ്റ്റ്‌ പെയ്‌ഡ്‌ ഉപഭോക്താക്കള്‍ക്കായി ഫോട്ടോണ്‍ മാക്‌സ്‌ വൈ-ഫെ, ഫോട്ടോണ്‍ മാക്‌സ്‌, ഫോട്ടോണ്‍ പ്ലസ്‌, ഫോട്ടോണ്‍ 3ജി, ഫോട്ടോണ്‍ 3ജി പ്ലസ്‌, ഫോട്ടോണ്‍ 3ജി വൈ-ഫൈ എന്നിങ്ങനെ വിവിധ സ്ഥലങ്ങളിലേയ്‌ക്കായി 650 രൂപ, 750 രൂപ, 1000 രൂപ, 1250 രൂപ എന്നിങ്ങനെയാണ്‌ വില. ഇവയ്‌ക്ക്‌ യഥാക്രമം 5ജിബി, 10 ജീബി, 20 ജിബി, 30 ജിബി ഡാറ്റാ സൗകര്യം ലഭിക്കും.
സിഡിഎംഎയും 3 ജിയും ഉപയോഗിക്കുന്ന ഫോട്ടോണ്‍ ഉപഭോക്താക്കള്‍ക്കായി ഈ പ്ലാനുകള്‍ കമ്പനിയുടെ വികസിച്ചുകൊണ്ടിരിക്കുന്ന പോര്‍ട്ട്‌ ഫോളിയോയില്‍ ഏറ്റവും പുതിയതാണെന്ന്‌ ടാറ്റാ ഡോകോമോ തമിഴ്‌നാട്‌ കേരള സര്‍ക്കിള്‍ മൊബിലിറ്റി ബിസിനസ്‌ യൂണിറ്റ്‌ മേധാവി രാജന്‍ ഗുപ്‌ത പറഞ്ഞു. 3ജി മാര്‍ക്കറ്റുകളില്‍ ഫോട്ടോണ്‍ 3 ജിയില്‍ 21 എംബിപി എസ്‌ സ്‌പീഡും കമ്പനി ഉറപ്പു തരുന്നു.