ഫ്രഞ്ച് വാഹനനിർമാതാക്കളായ റെനോ ഡസ്റ്റർ എസ്‌യുവി കണ്ണഞ്ചിപ്പിക്കുന്ന ഓഫറുമായി രംഗത്ത്. രണ്ടു ലക്ഷം രൂപ വരെ വിലക്കുറവിൽ വാഹനം സ്വന്തമാക്കാമെന്നാണ് ഓഫർ.

നിലവില്‍ ഡസ്റ്റര്‍ കാര്‍ ഉടമകളായ ഗ്യാങ് ഓഫ് ഡസ്റ്റര്‍ ഗ്രൂപ്പിലെ അംഗങ്ങള്‍ക്ക് മാത്രമേ ഈ ഓഫര്‍ ലഭ്യമാകുകയുള്ളു. 85 പിഎസ് ഡീസല്‍ സ്റ്റാന്‍ഡേര്‍ഡ്, 110 പിഎസ് അഡ്വേഞ്ചര്‍ എഡിഷന്‍ എന്നീ രണ്ടു വേരിയന്റുകളാണ് വിലക്കുറവിൽ നൽകുന്നത്. ഡസ്റ്റർ ഉടമകളെ ഇ-മെയിൽ വഴിയാണ് റെനോഇന്ത്യ ഓഫർ വിവരം അറിയിച്ചത്. 107 യൂണിറ്റുകളുടെ സ്റ്റോക്ക് മാത്രമാണ് അവശേഷിക്കുന്നതെന്നും മെയിലില്‍ വ്യക്തമാക്കുന്നു. ഇതിന് പുറമേ 10000 രൂപയുടെ എക്‌സ്‌ച്ചേഞ്ച്‌ ഓഫറും 7000 രൂപയുടെ കോര്‍പ്പറേറ്റ് ബോണസും കമ്പനി നല്‍കുമെന്നും പറയുന്നു.

നിലവിലുള്ള സ്‌റ്റോക്ക് എത്രയും പെട്ടെന്ന് വിറ്റഴിച്ച് വരാനിരിക്കുന്ന റെനോ  ക്യാപ്ച്ചറിനെ വരവേല്‍ക്കുന്നതിന്റെ ഭാഗമാണ് കമ്പനിയുടെ സര്‍പ്രൈസ്  ഓഫര്‍ എന്നു കരുതുന്നു.