ന്യൂസ് ഫീഡില്‍ ചേര്‍ത്തതിന് പിന്നാലെ പുത്തൻ സിനിമാപരീക്ഷണവുമായി ഫേസ്ബുക്ക്
കഴിഞ്ഞ വര്‍ഷം 360 വീഡിയോകള്‍ ന്യൂസ് ഫീഡില്‍ ചേര്‍ത്തതിന് പിന്നാലെ ഫെയ്സ്ബുക്ക് വിര്‍ച്ച്‌വല്‍ റിയാലിറ്റി അനുഭവം ഉപയോക്താക്കളിലെത്തിക്കാനുള്ള ശ്രമത്തിലാണെന്ന് റിപ്പോര്‍ട്ട്.പുറത്തിറങ്ങാനിരിക്കുന്ന 'ജുമാന്‍ജി: വെല്‍കം റ്റും ദി ജംഗിള്‍' എന്ന സിനിമയ്ക്കൊപ്പമായിരിക്കും ഫെയ്സ്ബുക്കിലെ വിആര്‍ ദൃശ്യാനുഭവത്തിന് തുടക്കമിടുക. ഫെയ്സ്ബുക്ക് ക്രിയേറ്റീവ് ഷോപ്പും അവതാര്‍ ലാബ്സും ചേര്‍ന്നാണ് പുതിയ സംവിധാനം ഒരുക്കുന്നത്.
സ്വന്തമായി 360 ഡിഗ്രി വിര്‍ച്വല്‍ റിയാലിറ്റി അനുഭവം നല്‍കുന്ന ആദ്യ ചലച്ചിത്രമായിരിക്കും ജുമാന്‍ജിയെന്ന്. ഏറെ അഭിമാനത്തോടെയാണ് ഫെയ്സ്ബുക്കുമായി സഹകരിച്ച്‌ ഈ സാങ്കേതിക വിദ്യ അവതരിപ്പിക്കുന്നതെന്നും ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന പ്രൊഫഷണല്‍ ഗുസ്തി താരവും നടനുമായ ഡ്വേയ്ന്‍ ജോണ്‍സണ്‍ പറഞ്ഞു.
ഫെയ്സ്ബുക്ക് അടുത്തിടെ ഓക്കലസ് ഗോ, റിഫ്റ്റ് വിആര്‍ ഹെഡ്സെറ്റുകള്‍ അവതരിപ്പിച്ചിരുന്നു. നിലവില്‍ 4കെ റസലൂഷനിലുള്ള 360 വീഡിയോകള്‍ ഫെയ്സ്ബുക്കില്‍ ലഭ്യമാണ്.
https://www.facebook.com/Malayalivartha
