ഇതിനുമുൻപ് വില കുറഞ്ഞ പല സ്മാര്‍ട്ട് ഫോണുകളും വിപണിയില്‍ കൊണ്ടുവന്നവരാണ് പ്രമുഖ ചൈനീസ് സ്മാര്‍ട്ട്ഫോണ്‍ നിര്‍മാതാക്കളായ ഷവോമി. കുറഞ്ഞ നിരക്കിൽ മികച്ച സവിശേഷതകളാണ് ഷവോമിയുടെ പ്രത്യേകതകളിലൊന്ന്. ഇപ്പോഴിതാ പുതിയ സ്മാര്‍ട്ട്‌ഫോണ്‍ അവതരിപ്പിക്കുകയാണ് ഷവോമി. ഷവോമിയുടെ മികച്ച മോഡലായ റെഡ്മി നോട്ട് 4ന്റെ പിന്‍ഗാമിയാണ്‌ റെഡ്മി നോട്ട് 5. ഞെട്ടിക്കുന്ന വിലയാണ് റെഡ്മി നോട്ട് 5ന് നല്‍കിയിരിക്കുന്നത്.

ഗിസ്‌മോ ചൈനയുടെ റിപ്പോര്‍ട്ട് പ്രകാരം ഷവോമി ‘ചൈന MIUI ഫോറത്തില്‍’ ഹോസ്റ്റ് ചെയ്തിരിക്കുന്ന മത്സരത്തില്‍ റെഡ്മി നോട്ട് 5 ഉണ്ടെന്നാണ്. ഇതനുസരിച്ച് റെഡ്മി നോട്ട് 5ന് ഇന്ത്യന്‍ വില ഏകദേശം 6800 രൂപ വില വരും. ആന്‍ഡ്രോയിഡ് നൗഗട്ട് അടിസ്ഥാനമാക്കിയ MIUI 9 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഫോണില്‍ 4000എംഎഎച്ച് ബാറ്ററിയാണ് ഉള്‍പ്പെടുത്തിയിരിക്കുന്നത്. ക്വല്‍കോം സ്‌നാപ്ഡ്രാഗണ്‍ 625 പ്രോസസര്‍, 3ജിബി റാം 32ജിബി ഇന്റേര്‍ണല്‍ സ്‌റ്റോറേജ്, 4ജിബി റാം, 64ജിബി ഇന്റേര്‍ണല്‍ സ്‌റ്റോറേജ് എന്നിവയാണ് ഫോണിന്റെ മറ്റ് സവിശേഷതകള്‍.