ലോക വാഹന വിപണി കീഴടക്കിയതിൽ ഒരു ഭാഗം ജീപ്പുകളാണ്. എന്നാൽ ഇന്ത്യൻ വിപണിയിൽ എത്തിയതോടെ ജീപ്പ് ന്റെ മാർക്കറ്റ് ഇടിഞ്ഞു തുടങ്ങി. കൈപൊള്ളുന്ന വിലയായിരുന്നു പ്രധാന കാരണം. എന്നാൽ ജീപ്പ് ന്റെ കോമ്പസ് മാർക്കറ്റിൽ ഇറങ്ങിയതോടെ വിപണിയിൽ മോശമല്ലാത്ത പ്രകടനം പുറത്തെടുക്കുവാൻ ജീപ്പിനു കഴിഞ്ഞുവന്നത് വാസ്തവം.

ജീപ്പ് റാങ്ക്ളറിന്‍റെ പുതിയ പരസ്യം നവ മാധ്യമങ്ങളിൽ നിറഞ്ഞാടുകയാണ്. പരസ്യമെന്നു പറഞ്ഞാൽ ഇതാണ് പരസ്യം എന്ന് തന്നെ പറയേണ്ടി വരും. എസ് യുവിയുടെ യഥാര്‍ത്ഥ കരുത്ത് വിളിച്ചറിയിക്കുന്ന ഒരു ഹമ്മര്‍ ലുക്കിലുള്ള പരസ്യമാണ് ചിത്രീകരിച്ചിരിക്കുന്നത്.

ദിനോസറിനെ വട്ടം കറക്കുന്ന ജീപ്പ്. അതാണ് പരസ്യത്തിന്റെ ഇതിവൃത്തം. ഇതിനായി ഉപയോഗിച്ചിരിക്കുന്നതാകട്ടെ 1993 ല്‍ സിനിമാ ലോകത്തെ ഞെട്ടിപ്പിച്ച സ്പില്‍ബര്‍ഗ് വിസ്മയം ജുറാസിക്ക് പാര്‍ക്കും. ദിനോസര്‍ വരുന്നത് കണ്ട് ജീപ്പെടുത്തു പോകുന്ന രംഗം കിടിലനായി ജീപ്പിലേക്ക് സമന്വയിപ്പിച്ചിരിക്കുന്നു വീഡിയോയില്‍.

ജൂറാസിക്ക് പാര്‍ക്കിലൂടെ ആരാധകര്‍ക്ക് സുപരിചിതനായ ജെഫ് ഗോള്‍ഡ്ബ്ലം ആണ് പരസ്യത്തിലും അഭിനയിച്ചിരിക്കുന്നത്. പുറത്ത് വിട്ട രണ്ട് ദിവസത്തിനുള്ളില്‍ ഒരു കോടി വ്യൂസാണ് വീഡിയോയ്ക്ക് യൂട്യൂബില്‍ ലഭിച്ചിരിക്കുന്നത്.

വീഡിയോ കാണുക...