ഗുണമേന്മയിലും സാങ്കേതിക മികവിലും ആപ്പിളിനും സാംസങ്ങിനും ഒപ്പമാണ് വാവെയ് എന്ന ചൈനീസ് കമ്പനിയുടെ സ്ഥാനം. മൂന്നാമത്തെ വലിയ സ്മാര്‍ട്ട്ഫോണ്‍ നിര്‍മ്മാതാക്കള്‍ എന്ന പേര് ഒരോ മോഡല്‍ പുറത്തിറങ്ങുമ്പോഴും വാവെയ് ഉയർത്തിപ്പിടിക്കാറുണ്ട്.

ക്യാമറകളുടെ മികവുകൾ എടുത്തുകാട്ടി മറ്റൊരു ഫോൺ കൂടി വാവെയ് അവതരിപ്പിച്ചിരിക്കുകയാണ്. പി 20 പ്രോ എന്നാണ് പുതിയ മോഡലിന്റ് പേര്. പി 20, പി 20 ലൈറ്റ് എന്നീ മോഡലുകളും ഒപ്പമുണ്ട്. പി 20 പ്രോയില്‍ മൂന്ന് പിന്‍ ക്യാമറകളാണ് ചിത്രങ്ങള്‍ പകര്‍ത്തായി ഒരുക്കിയിരിക്കുന്നത്. അതോടൊപ്പം തന്നെ ആരും കണ്ടിട്ടില്ലാത്ത നിറങ്ങളിലായിരിക്കും ഈ മോഡലുകള്‍ ഇറങ്ങുന്നതെന്നാണ് സൂചന.

മൂന്ന് ക്യാമറകള്‍ക്കുംകൂടി 40 മെഗാപിക്സല്‍ വലിപ്പമുള്ള ചിത്രങ്ങള്‍ പകര്‍ത്താനാകും. ഏത് തരത്തിലാണ് മൂന്ന് ക്യാമറകളും വെവ്വേറെ പ്രവര്‍ത്തിക്കുക എന്നത് ഇപ്പോള്‍ വ്യക്തമല്ല. ലൈക്ക തന്നെയാണ് ഈ മോഡലിന്റേയും ക്യാമറകള്‍ക്ക് പിന്നില്‍ പ്രവർത്തിച്ചിരുന്നത്.

72,000 രൂപയ്ക്കാണ് ഫോണ്‍ വിപണിയില്‍ അവതരിപ്പിക്കുകയെന്നാണ് കരുതുന്നത്. മറ്റ് മോഡലുകള്‍ക്ക് 30,000 രൂപ മുതലാകും ആരംഭം. ഐഫോണിന്റെയും സാംസങ്ങിന്റേയും മുന്തിയ മോഡലുകളാകും പി 20 പ്രോയുടെ പ്രധാന എതിരാളികള്‍.