സാംസങ്ങിനെതിരായ പകര്‍പ്പവകാശ കേസില്‍ അമേരിക്കന്‍ കമ്പനി ആപ്പിളിന് ജയം. ഇതോടെ സാം​സങ്ങ് കമ്പനി 3677.35 കോ​ടി രൂ​പ ആ​പ്പി​ളി​ന് ന​ഷ്ട​പ​രി​ഹാ​രം ന​ല്‍​ക​ണ​മെ​ണ് യു​എ​സി​ലെ കോ​ട​തി ഉ​ത്ത​ര​വി​ട്ടു. ഐ​ഫോ​ണി​ലെ സാ​ങ്കേ​തി​ക​വി​ദ്യ​ക​ള്‍ സാം​സങ്ങ് കോ​പ്പി​യ​ടി​ച്ച്‌ തങ്ങളുടെ സ്മാര്‍ട്ട്ഫോണ്‍ ബ്രാന്‍റായ ഗാ​ല​ക്സി​യി​ല്‍ ചേ​ര്‍​ത്തു​വെ​ന്നാ​രോ​പി​ച്ചാണ് ആ​പ്പി​ള്‍ കേസ് നല്‍കിയത്.

2011 മുതല്‍ ഇരുകമ്പനികളും തമ്മില്‍ നിയമയുദ്ധത്തിലാണ്. തങ്ങളുടെ പേറ്റന്റ് സാംസംഗ് ലംഘിച്ചുവെന്നാണ് ആപ്പിള്‍ ആരോപിച്ചിരുന്നത്. എന്നാല്‍ ഈ ആരോപണം സാംസംഗ് നിഷേധിച്ചിരുന്നു. ഒടുവിൽ ആ​പ്പി​ളി​ന്‍റെ ര​ണ്ട് പേ​റ്റ​ന്‍റു​ക​ള്‍ സാം​സങ്ങ് ലം​ഘി​ച്ച​താ​യി കോ​ട​തി ക​ണ്ടെത്തുകയായിരുന്നു.

സാ​ന്‍​ജോ​സി​ലെ നോ​ര്‍​ത്ത​ണ്‍ ക​ലി​ഫോ​ര്‍​ണി​യ യു​എ​സ് ഡി​സ്ട്രി​ക്‌ട് കോ​ട​തി​യാ​ണ് ഇത്തരത്തിലൊരു വി​ധി പ്ര​സ്താ​വി​ച്ച​ത്. 2012 ല്‍ ​കീ​ഴ്ക്കോ​ട​തി 6825 കോ​ടി രൂ​പ ആ​പ്പി​ളി​ന് ന​ഷ്ട​പ​രി​ഹാ​രം വി​ധി​ച്ചി​രു​ന്നു. എന്നാല്‍ നീ​ണ്ട വാ​ദ​ത്തി​നൊ​ടു​വി​ല്‍ 2015 ല്‍ 2730 ​കോ​ടി രൂ​പ​യാ​യി ന​ഷ്ട​പ​രി​ഹാ​ര തു​ക കു​റ​ച്ചി​രു​ന്നു. ആ​ന്‍​ഡ്രോ​യ്ഡ് ഫോ​ണു​ക​ളു​ടെ വി​ല്‍​പ്പ​ന കു​തി​ച്ച​തോ​ടെ കൂ​ടു​ത​ല്‍ ന​ഷ്ട​പ​രി​ഹാ​ര തു​ക ആ​വ​ശ്യ​പ്പെ​ട്ടു ആ​പ്പി​ള്‍ വീ​ണ്ടും കോ​ട​തിയിലെത്തുകയായിരുന്നു.