ദുബായ്: പരിസ്​ഥിതി സൗഹൃദ വാഹനങ്ങള്‍ ഒരുക്കുന്നതിന്​ മുന്‍പന്തിയിലുള്ള അല്‍ ഫുത്തൈം ടൊയോട്ട കാംറി ഹൈബ്രിഡ്​ ഇലക്ട്രിക്ക്​ വാഹനങ്ങള്‍ യു.എ.ഇ വിപണിയിലെത്തിച്ചു. കാംറി പെട്രോള്‍ എഞ്ചിനേക്കാള്‍ 70 ശതമാനം ഉൗര്‍ജ ലാഭം സാധ്യമാവുന്നതാണ്​ ഇൗ വാഹനം. ടൊയോട്ട കാംറി എച്ച്‌​.ഇ.വി വാഹനങ്ങള്‍ പത്തു വര്‍ഷം മുന്‍പ്​ ലിമിറ്റഡ്​ എഡീഷനായി യു.എ.ഇയില്‍ എത്തിയിരുന്നു.

കാലാവസ്​ഥക്ക്​ ഇണങ്ങുന്നതെന്ന്​ ഉറപ്പുവരുത്തി സാമ്പത്തിക, പരിസ്​ഥിതി സൗഹൃദമെന്ന്​ ഉറപ്പുവരുത്തിയാണ്​ 2012 ല്‍ പുതിയ എഡിഷൻ ഒരുക്കിയത്​.പുത്തന്‍ മോഡല്‍ വൈദ്യുതി ഉൗര്‍ജം ഉപയോഗപ്പെടുത്തി ഇന്ധനങ്ങളോ കാര്‍ബര്‍ ബഹിര്‍ഗമനമോ ഇല്ലാതെ ഒാടിക്കാം. പെട്രോള്‍ സ്​റ്റേഷനിലേക്ക്​ പോകേണ്ട ആവശ്യം തന്നെ ഇല്ലെന്നും പറയാം. പെട്രോള്‍ എഞ്ചിനും രണ്ട്​ വൈദ്യുതി മോട്ടറുകളും ഉള്‍ക്കൊള്ളിച്ചിട്ടുള്ളതാണ്​ മോഡല്‍. ബാറ്ററികള്‍ തനിയേ ചാര്‍ജ്​ ചെയ്യുന്നവയാണ്​.

യു.എ.ഇയില്‍ ടാക്​സിയായി ഒാടുന്ന കാംറി കാറുകള്‍ മുഖാന്തിരം ഇതിനകം 6000 ടണ്‍ കാര്‍ബണ്‍ ബഹിര്‍ഗമനം തടഞ്ഞതായി അല്‍ ഫുത്തൈം കോര്‍പ്പറേറ്റ്​ കമ്മ്യൂണിക്കേഷൻ മേധാവി സൂസന്‍ കാസ്സി പറഞ്ഞു. സുഗമവും പരിസ്​ഥിതി സൗഹൃദവുമായ സഞ്ചാരം എന്ന യു.എ.ഇ വിഷന്‍ 2021 ലക്ഷ്യത്തി​ലും മികച്ച പങ്കാണ്​ ടൊയോട്ട വഹിക്കുക.

അത്യാകര്‍ഷകവും ആഡംബരപൂര്‍ണവുമായ സാങ്കേതിക സൗകര്യവും ഉള്ളകങ്ങളുമാണ്​ മറ്റൊരു സവിശേഷത. വൈവിധ്യമാര്‍ന്ന എട്ട്​ പുറം നിറങ്ങള്‍, മൂന്നു മനോഹര അകം നിറങ്ങള്‍, 18 ഇഞ്ച്​ അലോയ്​ വീലുകള്‍ എന്നിങ്ങനെ ഉപഭോക്താക്കളെ ആനന്ദിപ്പിക്കുന്ന ഒട്ടേറെ സവിശേഷതകള്‍ ഇതിലുള്‍ക്കൊള്ളുന്നു. വാറ്റ്​ ഉള്‍പ്പെടെ 133,500 ദിര്‍ഹമാണ്​ വില.