വാട്‌സ്‌ആപ്പിന്റെ ഏറ്റവും പുതിയ ഫീച്ചർ ആയ 'ഗ്രൂപ്പ് ഓഡിയോ വീഡിയോ കോള്‍' സംവിധാനം ആന്‍ഡ്രോയിഡ് ഫോണുകളില്‍ ലഭ്യമായി തുടങ്ങി. വാട്സാപ്പിന്റെ 2.18.189, 2.18.192 എന്നീ ബീറ്റാ വേര്‍ഷനുകളിലാണ് ഈ സേവനം ഇപ്പോള്‍ ലഭ്യമായിരിക്കുന്നത്.

ഔദ്യോഗികമായി ഈ അപ്‌ഡേറ്റ് കമ്പനി ഇതുവരെ ഇറക്കിയിട്ടില്ലെങ്കിലും പലര്‍ക്കും ഇപ്പോള്‍ ഈ സൗകര്യം ഉപയോഗിക്കാന്‍ സാധിക്കുന്നുണ്ട്. ഈ അപ്‌ഡേറ്റ് ആന്‍ഡ്രോയ്ഡ്, ഐഒഎസ് എന്നീ രണ്ടു ഓപ്പറേറ്റിങ് സിസ്റ്റത്തിലും ഒരേ പോലെ ലഭിക്കും. നാല് ആളുകളെ വരെ ഒരുമിച്ച്‌ വീഡിയോ കോള്‍ ചെയ്യാന്‍ സഹായിക്കുന്നതാണ് ഈ ഫീച്ചര്‍.

വാട്‌സ്‌ആപ്പ് തുറന്ന് അതില്‍ ആരെയാണോ ആദ്യം വീഡിയോ കോള്‍ ചെയ്യാന്‍ ഉദ്ദേശിക്കുന്നത് എന്ന് നോക്കി അവരെ വീഡിയോ കോള്‍ ചെയ്യുക. കോള്‍ എടുത്തു കഴിഞ്ഞാല്‍ 'Add participant' എന്നൊരു ഓപ്ഷന്‍ കാണിക്കുന്നുണ്ടോ എന്ന് നോക്കുക. ഉണ്ടെങ്കില്‍ അതിന്റെ അര്‍ഥം നിങ്ങള്‍ക്ക് വാട്‌സാപ്പ് വഴി ഗ്രൂപ്പ് വീഡിയോ കോള്‍ ചെയ്യാന്‍ സാധിക്കും എന്നാണ്.