സംസ്ഥാനത്തെ അരലക്ഷത്തോളം ഉദ്യോഗാര്‍ഥികള്‍ക്കു പ്രതീക്ഷയേകി എല്‍ഡിസി പുതിയ റാങ്ക് പട്ടിക ഇന്ന് അര്‍ധരാത്രി നിലവില്‍ വരും. 48,867 പേരുടെ പട്ടികയാണു പിഎസ്‌സി ഇന്ന് ഓണ്‍ലൈനായി പ്രസിദ്ധീകരിക്കുക. 

പിഎസ്‌സിയുടെ ഏറ്റവും വലിയ റാങ്ക് പട്ടികകളില്‍ ഒന്നാണിത്. ജില്ല തിരിച്ചുള്ള ലിസ്റ്റാണെങ്കിലും എല്ലാം ഒരുമിച്ചാണു പ്രസിദ്ധീകരിക്കുന്നത്. 2012 മാര്‍ച്ച് 31നു പ്രസിദ്ധീകരിച്ച നിലവിലെ റാങ്ക് പട്ടികയുടെ കാലാവധി നാളെ അവസാനിക്കാനിരിക്കെയാണു പുതിയ ലിസ്റ്റ് വരുന്നത്. കഴിഞ്ഞ 25നു ചെയര്‍മാന്‍ കെ.എസ്. രാധാകൃഷ്ണന്‍ പുതിയ പട്ടികയ്ക്ക് അംഗീകാരം നല്‍കിയിരുന്നു.