എല്‍പി, യുപി ഹൈസ്‌കൂള്‍ വിഭാഗങ്ങളിലും സ്‌പെഷല്‍ വിഭാഗത്തിലുമുള്ള ഭാഷാ/സ്‌പെഷല്‍ അധ്യാപകര്‍ക്കുവേണ്ടിയുള്ള കെ–ടെറ്റ് പരീക്ഷക്ക് 26 വരെ അപേക്ഷിക്കാം. കാറ്റഗറി ഒന്ന്, രണ്ട് പരീക്ഷ ഒക്ടോബര്‍ മൂന്നിനും കാറ്റഗറി മൂന്ന്, നാല് പരീക്ഷ ഒക്ടോബര്‍ 17നും നടത്തും..keralapareekshabhavan.gov.in എന്ന വെബ്‌സൈറ്റിലൂടെ ഓണ്‍ലൈനായി അപേക്ഷിക്കാം. ഫീസ് ഒരു കാറ്റഗറിക്ക് 500 രൂപ. എസ്‌സി/എസ്ടി വിഭാഗത്തിന് 250 രൂപയും സര്‍വീസ് ചാര്‍ജ് 20 രൂപയും നല്‍കണം. ഒന്നിലധികം കാറ്റഗറികള്‍ക്ക് അപേക്ഷിക്കുന്നവര്‍ ഓരോ കാറ്റഗറിക്കും 500 രൂപ വീതം അടയ്ക്കണം.
കംപ്യൂട്ടറില്‍ നിന്നുള്ള ചെലാന്‍ സഹിതം 26നു മുന്‍പായി ഏതെങ്കിലും എസ്ബിടി ശാഖയില്‍ ഫീസ് അടയ്ക്കാം. അഡ്മിറ്റ് കാര്‍ഡ് സെപ്റ്റംബര്‍ 15 മുതല്‍ ഡൗണ്‍ലോഡ് ചെയ്യാം. യോഗ്യതാ വിവരങ്ങള്‍ വെബ്‌സൈറ്റിലെ പ്രോസ്‌പെക്ടസില്‍. മള്‍ട്ടിപ്പിള്‍ ചോയ്‌സ് മാതൃകയിലുള്ള ടെസ്റ്റില്‍ എല്ലാ കാറ്റഗറികളിലും 150 മാര്‍ക്കിന്റെ വീതം ചോദ്യങ്ങള്‍ ഉണ്ടാകും. ചൈല്‍ഡ് ഡവലപ്‌മെന്റ് ആന്‍ഡ് പെഡഗോഗി, മാത്തമാറ്റിക്‌സ്, ഇവിഎസ്, ലാംഗ്വേജ് ഒന്ന് (മലായളം, തമിഴ്, കന്നട), ലാംഗ്വേജ് രണ്ട് (ഇംഗ്ലിഷ്, അറബിക്) എന്നിവയാണ് കാറ്റഗറി ഒന്നില്‍ (എല്‍പി) ചോദ്യങ്ങളായി ഉണ്ടാകുക.

കാറ്റഗറി രണ്ടി (യുപി)ലും 150 മാര്‍ക്കിന്റെ ചോദ്യങ്ങള്‍ ഉണ്ട്. ഇതില്‍ ചൈല്‍ഡ് ഡവലപ്‌മെന്റ് ആന്‍ഡ് പെഡഗോഗി, മാത്തമാറ്റിക്‌സ്, സയന്‍സ് അല്ലെങ്കില്‍ സോഷ്യല്‍ സയന്‍സ്, ലാംഗ്വേജ് ഒന്ന്, രണ്ട് എന്നിവയുടെ ചോദ്യങ്ങളാണ് ഉണ്ടാകുക. കാറ്റഗറി മൂന്ന് (ഹൈസ്‌കൂള്‍) അഡോളസെന്‍സ് സൈക്കോളജി, ലാംഗ്വേജ്, സബ്ജക്ട് വിത്ത് പെഡഗോഗി എന്നിവയുടെ 150 മാര്‍ക്കിന്റെ ചോദ്യങ്ങളാണ് ഉണ്ടാവുക. കാറ്റഗറി നാലില്‍ ചൈല്‍ഡ് ഡവലപ്‌മെന്റ് ആന്‍ഡ് പെഡഗോഗി ലാംഗ്വേജ്, സബ്ജക്ട് സ്‌പെസിഫിക് പേപ്പര്‍ എന്നിവയുടെ 150 ചോദ്യങ്ങള്‍ ആണ് ഉണ്ടാവുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha