മെഡിക്കല്‍ പി.ജി. പ്രവേശനത്തിനുള്ള നീറ്റ് പരീക്ഷയ്ക്ക് (നീറ്റ് പി.ജി.) കേരളത്തില്‍ പരീക്ഷാകേന്ദ്രം അനുവദിക്കുന്നില്ലെന്ന് വിദ്യാര്‍ത്ഥികള്‍
മെഡിക്കല്‍ പി.ജി. പ്രവേശനത്തിനുള്ള നീറ്റ് പരീക്ഷയ്ക്ക് (നീറ്റ് പി.ജി.) കേരളത്തില്‍ പരീക്ഷാകേന്ദ്രം അനുവദിക്കുന്നില്ലെന്ന് വിദ്യാര്‍ത്ഥികളുടെ പരാതി. ജനുവരി ഏഴിനാണ് അപേക്ഷ സ്വീകരിച്ചു തുടങ്ങിയത്.
ആദ്യം അപേക്ഷിച്ച വിദ്യാര്‍ഥികള്‍ക്ക് കേരളത്തിലെ പ്രധാന നഗരങ്ങളില്‍ പരീക്ഷാകേന്ദ്രം ലഭിച്ചിരുന്നെങ്കിലും പിന്നീട് അപേക്ഷിക്കുന്നവര്‍ക്ക് ദക്ഷിണേന്ത്യന്‍ സംസ്ഥാനങ്ങളില്‍പോലും പരീക്ഷാകേന്ദ്രം ലഭിക്കുന്നില്ല. 27വരെയാണ് അപേക്ഷിക്കാനുള്ള സമയം. മാര്‍ച്ച് അഞ്ചിനാണ് പരീക്ഷ.
മാര്‍ച്ച് 31-നകം ഇന്റേണ്‍ഷിപ്പ് പൂര്‍ത്തിയാക്കുന്ന എം.ബി.ബി.എസുകാര്‍ക്കാണ് അപേക്ഷിക്കാന്‍ ആദ്യം അവസരം നല്‍കിയിരുന്നത്. ഇന്റേണ്‍ഷിപ്പ് പൂര്‍ത്തിയാക്കാനുള്ള സമയം പിന്നീട് ജൂണ്‍വരെ നീട്ടിയതോടെ കൂടുതല്‍ അപേക്ഷകരെത്തുകയുംചെയ്തു.
തീയതി നീട്ടിയതിനെത്തുടര്‍ന്ന് അവസരം ലഭിച്ച ഒട്ടുമിക്ക വിദ്യാര്‍ഥികള്‍ക്കും കേരളത്തിനു പുറത്താണ് പരീക്ഷാകേന്ദ്രം കിട്ടിയത്.
https://www.facebook.com/Malayalivartha
