എസ്എസ്എല്‍സി സേവ് എ ഇയര്‍ (സേ) പരീക്ഷ ഇന്ന് തുടങ്ങും. 14-ാം തിയതി വരെയാണ് പരീക്ഷ. ഈ മാസം അവസാനത്തോടെ ഫലം പ്രഖ്യാപിക്കുകയും ചെയ്യും.


എസ്എസ്എല്‍സി പരീക്ഷയില്‍ മൂന്ന് വിഷയം വരെ പാസാകാനുള്ള 1101 പേരാണ് സേ പരീക്ഷ എഴുതുന്നത്. ഇതിനൊപ്പം, ആരോഗ്യകാരണങ്ങളാല്‍ പരീക്ഷ എഴുതാനാകാതെ പോയ പത്തോളം പേരും കായിക മത്സരങ്ങളില്‍ പങ്കെടുക്കാനായി പോയതുമൂലം പരീക്ഷ എഴുതാത്ത കണ്ണൂര്‍ സ്‌പോര്‍ട്ട്‌സ് സ്‌കൂളിലെ രണ്ട് കുട്ടികളും സര്‍ക്കാരിന്റെ പ്രത്യേക അനുമതിയോടെ മുഴുവന്‍ പരീക്ഷകളും എഴുതുന്നുണ്ട്.

ഗള്‍ഫില്‍ ഒരു സെന്ററിലും ലക്ഷദ്വീപില്‍ നാല് സെന്ററുകളിലും പരീക്ഷയുണ്ട്. സേ പരീക്ഷയില്‍ യോഗ്യത നേടുന്നവര്‍ക്ക് പ്ലസ് വണ്‍ പ്രവേശനത്തിനു സപ്ലിമെന്ററി ഘട്ടത്തില്‍ അപേക്ഷിക്കാവുന്നതാണ്.