സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജ്യൂക്കേഷന്‍(സി.ബി.എസ്.ഇ) 2024ലെ 10, 12 ക്ലാസുകളിലെ ഫലം ഉടന്‍ പ്രഖ്യാപിക്കും. ഔദ്യോഗിക വെബ്‌സൈറ്റ് അനുസരിച്ച് സി.ബി.എസ്.ഇ 10, 12 ക്ലാസുകളിലെ ഫലം മേയ് 20നു ശേഷം പ്രഖ്യാപിക്കും. രണ്ടും ഒരേ ദിവസമായിരിക്കും പ്രഖ്യാപിക്കുക.

വിദ്യാര്‍ഥികള്‍ക്ക് അവരുടെ മാര്‍ക്ക് ലിസ്റ്റ് എന്നീ വെബ്‌സൈറ്റുകളില്‍ പരിശോധിക്കാം. ഉമാങ് ആപ്പ്, ഡിജിലോക്കര്‍ ആപ്പ്, പരീക്ഷാ സംഘം പോര്‍ട്ടല്‍, എസ്.എം.എസ് സൗകര്യം എന്നിവയിലൂടെയും ഫലങ്ങള്‍ ലഭ്യമാകും.


കഴിഞ്ഞ വര്‍ഷത്തെ പോലെ ഈ വര്‍ഷവും ബോര്‍ഡ് ടോപ്പര്‍മാരുടെ പട്ടികയൊന്നും പ്രഖ്യാപിക്കില്ലെന്നാണ് കരുതുന്നത്. 10, 12 പരീക്ഷകളില്‍ വിജയിക്കാന്‍ വിദ്യാര്‍ഥികള്‍ കുറഞ്ഞത് 33 ശതമാനം മാര്‍ക്ക് നേടിയിരിക്കണം.

ഈ വര്‍ഷം 10,12 ക്ലാസുകളിലെ സി.ബി.എസ്.ഇ ബോര്‍ഡ് പരീക്ഷകള്‍ക്ക് 39 ലക്ഷം വിദ്യാര്‍ഥികളാണ് രജിസ്റ്റര്‍ ചെയ്തത്. ഫെബ്രുവരി 15 മുതല്‍ മാര്‍ച്ച് 13 വരെയായിരുന്നു സി.ബി.എസ്.ഇ 10ാം ക്ലാസ് പരീക്ഷ. ഫെബ്രുവരി 15 മുതല്‍ ഏപ്രില്‍ രണ്ടുവരെ 12ാം ക്ലാസ് പരീക്ഷയും നടന്നു.