ദേശീയ മെഡിക്കല് പ്രവേശന പരീക്ഷ (നീറ്റ് യുജി) യില് ഓരോ വിദ്യാര്ഥിക്കും ലഭിച്ച മാര്ക്ക് നഗരങ്ങളുടെയും പരീക്ഷാകേന്ദ്രങ്ങളുടെയും അടിസ്ഥാനത്തില് ഇന്ന് പ്രസിദ്ധീകരിക്കും
![](https://www.malayalivartha.com/assets/coverphotos/w657/315105_1721456833.jpg)
ദേശീയ മെഡിക്കല് പ്രവേശന പരീക്ഷ (നീറ്റ് യുജി) യില് ഓരോ വിദ്യാര്ഥിക്കും ലഭിച്ച മാര്ക്ക് നഗരങ്ങളുടെയും പരീക്ഷാകേന്ദ്രങ്ങളുടെയും അടിസ്ഥാനത്തില് ഇന്ന് പ്രസിദ്ധീകരിക്കും.
സുപ്രീംകോടതിയുടെ നിര്ദേശപ്രകാരം നാഷണല് ടെസ്റ്റിംഗ് ഏജന്സിയുടെ (എന്ടിഎ)യുടെ വെബ്സൈറ്റില് ഇന്ന് ഉച്ചയ്ക്ക് 12നു മുന്പ് ഫലം പ്രസിദ്ധീകരിക്കും.
ചോദ്യപേപ്പര് ചോര്ച്ചയുടെ വ്യാപ്തി എത്രത്തോളമുണ്ടെന്ന് അറിയാന് സമ്പൂര്ണ പരിശോധന അത്യാവശ്യമാണെന്ന് വ്യാഴാഴ്ച കേസ് പരിഗണിച്ചപ്പോള് കോടതി വ്യക്തമാക്കിയിട്ടുണ്ടായിരുന്നു.
ഇതേത്തുടര്ന്നാണ് പരീക്ഷാകേന്ദ്രങ്ങളുടെ അടിസ്ഥാനത്തില് ഫലം പ്രസിദ്ധീകരിക്കാനായി കോടതി ആവശ്യപ്പെട്ടത്. ചോദ്യപേപ്പര് ചോര്ച്ചയുടെ വ്യാപ്തി എത്രത്തോളമുണ്ടായി എന്നു കണ്ടെത്തിയ ശേഷം മാത്രമേ പുനഃപരീക്ഷ നടത്തുന്നതിനെക്കുറിച്ച് ആലോചിക്കുകയുള്ളൂവെന്നും കോടതി വ്യക്തമാക്കിയിട്ടുണ്ടായിരുന്നു. കേസ് തിങ്കളാഴ്ച വീണ്ടും പരിഗണനയിലെടുക്കും.
https://www.facebook.com/Malayalivartha