കോഴിക്കോട് നാദാപുരത്ത് പ്ലസ് വണ്‍ ഇംപ്രൂവ്‌മെന്റ് പരീക്ഷക്കിടെ ഉണ്ടായ ആള്‍മാറാട്ടം അന്വേഷിക്കുമെന്ന് വിദ്യാഭ്യാസവകുപ്പ്....
കോഴിക്കോട് നാദാപുരത്ത് പ്ലസ് വണ്‍ ഇംപ്രൂവ്‌മെന്റ് പരീക്ഷക്കിടെ ഉണ്ടായ ആള്‍മാറാട്ടം അന്വേഷിക്കുമെന്ന് വിദ്യാഭ്യാസവകുപ്പ്. പരീക്ഷയെഴുതേണ്ട വിദ്യാര്‍ത്ഥിക്കെതിരെ ജുവനൈല്‍ ജസ്റ്റീസ് ബോര്‍ഡിന് റിപ്പോര്‍ട്ട് നല്‍കുകയും ചെയ്യും.
ആള്‍മാറാട്ടത്തില്‍ വിദ്യാഭ്യാസ വകുപ്പും അന്വേഷണം നടത്തുന്നു. കടമേരിയിലെ ഒരു സ്വകാര്യ വിദ്യാഭ്യാസ സ്ഥാപനത്തിലെ വിദ്യാര്‍ത്ഥികളാണ് രണ്ടുപേരും. പ്ലസ് വണ്‍ വിദ്യാര്‍ത്ഥിക്ക് പകരം ബിരുദ വിദ്യാര്‍ത്ഥിയായ ഇസ്മയില്‍ എത്തി പരീക്ഷയെഴുതുകയായിരുന്നു. പരീക്ഷ നടക്കുന്നതിനിടെ ഇന്‍വിജിലേറ്റര്‍ക്ക് സംശയം തോന്നി നടത്തിയ പരിശോധനയിലാണ് ആള്‍മാറാട്ടം വ്യക്തമായത്.
ആള്‍മാറാട്ടം നടത്തിയ ഇസ്മയിലിലെ പൊലീസ് ഇന്നലെ തന്നെ അറസ്റ്റ് ചെയ്തിരുന്നു. ഇയാളെ റിമാന്‍ഡ് ചെയ്തു.ഇപ്പോള്‍ പരീക്ഷയെഴുതേണ്ട വിദ്യാര്‍ത്ഥിക്ക് നേരെയും അന്വേഷണം നടത്താന്‍ പൊലീസ് ഒരുങ്ങുകയാണ്.
ജൂവനൈല്‍ ജസ്റ്റീസ് ബോര്‍ഡിനാണ് റിപ്പോര്‍ട്ട് നല്‍കുക. വിദ്യാര്‍ത്ഥിക്കെതിരെ വിദ്യാഭ്യാസവകുപ്പും അന്വേഷണം നടത്തും. ആള്‍മാറാട്ടത്തില്‍ വിദ്യാഭ്യാസ സ്ഥാപനത്തിന് പങ്കുണ്ടോ എന്ന കാര്യവും അന്വേഷിക്കും. വിദ്യാര്‍ത്ഥിയുടെ പ്ലസ് വണ്‍ രജിസ്ട്രേഷന്‍ റദ്ദാക്കാനും സാധ്യത. പരീക്ഷ എഴുതേണ്ട വിദ്യാര്‍ത്ഥിയും ആള്‍മാറാട്ടം നടത്തിയ ആളും താമസിക്കുന്നത് ഒരേ ഹോസ്റ്റലിലാണ്. ഒരേ സ്ഥാപനത്തിലാണ് ഇരുവരും പഠിക്കുന്നത്.
https://www.facebook.com/Malayalivartha
