തമിഴ്​നാട്​ പി.എസ്​.സി പരീക്ഷ എഴുതുന്നവരുടെ പ്രായപരിധി രണ്ടു വര്‍ഷം കൂട്ടി. വെള്ളിയാഴ്​ച നിയമസഭയില്‍ മുഖ്യമന്ത്രി എടപ്പാടി പളനിസാമിയാണ്​ ഇൗക്കാര്യം പ്രഖ്യാപിച്ചത്​. പട്ടികജാതി/വര്‍ഗ വിഭാഗങ്ങള്‍ക്കും മറ്റു പിന്നാക്ക വിഭാഗങ്ങള്‍ക്കും പി.എസ്​.സി പരീക്ഷ എഴുതാനുള്ള പ്രായപരിധി 35ല്‍നിന്ന്​ 37 ആയും മറ്റു വിഭാഗങ്ങളില്‍പെട്ടവര്‍ക്ക്​ 30 വയസ്സില്‍നിന്ന്​ 32 ആയുമാണ്​ ഉയര്‍ത്തിയത്​. ഗ്രൂപ്​​ ഒന്ന്​, ഒന്ന്​ എ, ഒന്ന്​ ബി പരീക്ഷകള്‍ക്കാണ്​ ഇത്​ ബാധകമാവുക.