ജീ (മെയിന്‍) പരീക്ഷയുടെ ഉത്തരസൂചിക പ്രസിദ്ധീകരിച്ചു
ഐഐടി/എന്‍ഐടി പ്രവേശനത്തിനായി സിബിഎസ്ഇ നടത്തിയ ജീ (മെയിന്‍) പരീക്ഷയുടെ ഉത്തരസൂചിക പ്രസിദ്ധീകരിച്ചു. ജീ (മെയിന്‍) ഔദ്യോഗിക വെബ്‌സൈറ്റായ www.jeemain.nic.in ഉത്തരസൂചിക പരിശോധിക്കാം. അപേക്ഷാ നമ്പറും ജനന തീയതിയും നല്‍കി ലോഗിന്‍ ചെയ്ത് ഉത്തരസൂചികയും ഏപ്രില്‍ 2ന് നടത്തിയ ഓഫ്‌ലൈന്‍ പരീക്ഷ അഭിമുഖീകരിച്ച വിദ്യാര്‍ത്ഥികളുടെ OMR ഷീറ്റുകളുടെ പകര്‍പ്പും പരിശോധിക്കാം.
ഓണ്‍ലൈന്‍ പരീക്ഷ അഭിമുഖീകരിച്ചവര്‍ക്ക് അവരുടെ ഉത്തര പേപ്പറിന്റെ പകര്‍പ്പ് ഇ-മെയില്‍ വഴി ലഭിക്കും.
പ്രസിദ്ധീകരിക്കപ്പെട്ട OMR ഷീറ്റ് സംബന്ധിച്ചോ ഉത്തരസൂചിക സംബന്ധിച്ചോ ആക്ഷേപമുള്ള പരീക്ഷാര്‍ത്ഥികള്‍ക്ക് അവരുടെ പരാതികള്‍ ഓണ്‍ലൈന്‍ വഴിയായി ഏപ്രില്‍ 22 വരെ അപേക്ഷിക്കാം. ആക്ഷേപമുന്നയിക്കുന്ന ഓരോ ചോദ്യത്തിനും 1000 രൂപ ഫീസ് ഒടുക്കണം. ഓണ്‍ലൈനായി ഫീസ് അടയ്ക്കാവുന്നതാണ്. ജീ (മെയിന്‍) സ്‌കോര്‍ ഏപ്രില്‍ 27 ന് പ്രസിദ്ധീകരിക്കും.
https://www.facebook.com/Malayalivartha
