2021-ല്‍ ഒരു വാഹനാപകടം വെളിച്ചത്തു കൊണ്ട് വന്നത് ഒരു അപൂര്‍വ സങ്കരയിനം ജീവിയെയാണ്. പരിക്കേറ്റ ജീവിയെ പ്രാദേശിക വെറ്റിനറി മൃഗാശുപത്രിയില്‍ എത്തിച്ചു പരിശോധിച്ചപ്പോള്‍ ഇത് നായയാണോ കുറുക്കനാണോ എന്ന സംശയം ഉടലെടുത്തു. ശാസ്ത്രജ്ഞര്‍ ഈ നായയുടെ യഥാര്‍ത്ഥ സ്വഭാവം മനസ്സിലാക്കാന്‍ വിപുലമായ ജനിതക പരിശോധനകള്‍ നടത്തി. ഇതോടെയാണ് അത് രണ്ട് ലോകങ്ങളുടെ ഉല്‍പ്പന്നമാണെന്ന് കണ്ടെത്തിയത് അതായതു സങ്കരയിനം. ഈ ജീവിയുടെ അമ്മ ഒരു പാംപാസ് ഇനത്തിലുള്ള കുറുക്കനും അച്ഛന്‍ ഒരു തദ്ദേശീയ ബ്രസീലിയന്‍ നായയുമായിരുന്നു. ഇതിനു ഡോഗ്‌സിം എന്ന് ഗവേഷകര്‍ പേര് നല്‍കി

ചെന്നായ, കുറുക്കന്‍, കുറുനരി തുടങ്ങിയവയൊക്കെ കാനിഡേ എന്ന ജന്തുകുടുംബത്തില്‍പെട്ടതാണ്. നായയുടെയും കുറുക്കന്റെയും സവിശേഷതകള്‍ ഈ ജീവിക്കുണ്ടായിരുന്നു. കൂര്‍ത്ത ചെവികള്‍, കട്ടിയേറിയ രോമം മെലിഞ്ഞതും നീളമേറിയതുമായ മൂക്ക് എന്നിവയൊക്കെ ഇതില്‍പെടും. അത്ര അക്രമണോത്സുകതയൊന്നും ഇതു പ്രകടിപ്പിച്ചിരുന്നില്ല. തുടക്കത്തില്‍ മനുഷ്യരെ ചുറ്റിപ്പറ്റി ജാഗ്രത പുലര്‍ത്തിയിരുന്ന അവള്‍ ക്രമേണ അവരുടെ സാന്നിധ്യത്തിലേക്ക് ചൂടുപിടിക്കുകയും സ്വയം ലാളിക്കാന്‍ അനുവദിക്കുകയും ചെയ്തു.

തയാറാക്കിയ ഭക്ഷണം കഴിക്കാന്‍ കൂട്ടാക്കാതിരുന്ന ഈ ജീവി, ജീവനുള്ള എലികളെയും മറ്റും ഭക്ഷിക്കാന്‍ മടികാട്ടിയില്ല. നായയെപ്പോലെ കുരയ്ക്കുകയും കുറുക്കനെപ്പോലെ നടക്കുകയും ചെയ്തു. പല സങ്കരയിനം ജീവികള്‍ക്കും പ്രത്യുത്പാദനം ചെയ്യാനുള്ള ശേഷിയില്ല. എന്നാല്‍ ഈ ജീവിക്ക് അതിനുള്ള കഴിവുണ്ടായിരുന്നുവെന്നാണ് ശാസ്ത്രജ്ഞരുടെ വിശ്വാസം.


ഈ ജീവി ഇപ്പോള്‍ ജീവനോടെയില്ല.ഈ വര്‍ഷമാദ്യം ഇത് അപ്രതീക്ഷിതമായ ഒരു അന്ത്യം നേരിട്ടു. നായയും കുറുക്കനും ചേര്‍ന്നുള്ള സ്ഥിരീകരിക്കപ്പെട്ട ആദ്യ സങ്കരയിനമാണ് ഈ ജീവി. 76 ക്രോമോസോമുകള്‍ ഇതിനുണ്ടായിരുന്നു. കുറുക്കന് 74ഉം നായയ്ക്ക് 78ഉം ആണ് ക്രോമസോമുകളുടെ എണ്ണം. ആനിമല്‍സ് എന്ന ശാസ്ത്രജേണലില്‍ പഠനഫലങ്ങള്‍ ശാസ്ത്രജ്ഞര്‍ പ്രസിദ്ധീകരിച്ചു. ഭൂമിയില്‍ പലയിടങ്ങളിലായി ഇത്തരം ഡോക്‌സിം ജീവികള്‍ ഉണ്ടായിരിക്കാമെന്നാണ് ശാസ്ത്രജ്ഞരുടെ അനുമാനം.

വളര്‍ത്തു നായ്ക്കള്‍ തങ്ങളുടെ കാട്ടുമൃഗങ്ങളുമായി ഇണചേരുന്ന ആദ്യ സംഭവമല്ല ഇത് എന്നത് ശ്രദ്ധേയമാണ്. വളര്‍ത്തു നായ്ക്കളും കൊയോട്ടുകളും ചെന്നായകളും ഡിങ്കോകളും ഉള്‍പ്പെടെയുള്ള വിവിധ കാട്ടുമൃഗങ്ങള്‍ തമ്മിലുള്ള അത്തരം ഇടകലരലിന് ചരിത്രം സാക്ഷ്യം വഹിച്ചിട്ടുണ്ട്.