ബന്ധുരകാഞ്ചനക്കൂട്ടിലാണെങ്കിലും ..........നയന്സിന് വേണം സ്വാതന്ത്ര്യം
പ്രേക്ഷകര് എന്നും ആവേശത്തോടെയാണ് സത്യന് അന്തിക്കാടിന്റെ നായികമാരെ സ്വീകരിച്ചിട്ടുള്ളത്. \'മനസിനക്കരെ\' എന്ന സിനിമയ്ക്കു വേണ്ടി പുതുമുഖ നായികയെ അന്വേഷിച്ചിറങ്ങിയ സത്യന് അന്തിക്കാടിന് കിട്ടിയ മാണിക്യം തന്നെയായിരുന്നു ഡയാന എന്ന നയന്താര. ആദ്യ സിനിമയില്ത്തന്നെ ഒതുക്കമുള്ള അഭിനേത്രിയെന്ന് പ്രേക്ഷകരെക്കൊണ്ട് പറയിച്ച നയന്സിന്റെ പിന്നീടുള്ള വളര്ച്ച ശരിക്കും ഒരു സിനിമാക്കഥപോലെ വിസ്മയിപ്പിക്കുന്നതായിരുന്നു.
വിവാദങ്ങളെപ്പോഴും കൂട്ടിനുള്ള നയന്സ് പക്ഷേ ഒന്നിനോടും അമിതമായി പ്രതികരിക്കുകയോ ചാനലുകളില് ഇടയ്ക്കിടെ പ്രത്യക്ഷപ്പെടുകയോ ചെയ്യാറില്ല. ലാലേട്ടന് മുതല് ആര്യ വരെ എത്തി നില്ക്കുന്ന പ്രണയകഥകളെക്കുറിച്ച് സിനിമാലോകം പരസ്യമായി ചര്ച്ചചെയ്യുമ്പോഴും ഒന്നിനും അനുകൂലിക്കുകയോ പ്രതികൂലിക്കുകയോ ചെയ്യാതെ ഒഴിഞ്ഞു നിന്നു. ചിമ്പുവിനോടും പ്രഭുദേവയോടുമുള്ള പ്രണയം തകര്ന്നപ്പോള് മാത്രം പ്രതികരിച്ചു.
വിവാഹമേ വേണ്ടായെന്ന നിലപാടില് നില്ക്കുന്ന നയന്സിന് ഇപ്പോഴുള്ള ഏറ്റവും വലിയ വിഷമം തന്റെ സ്വാതന്ത്ര്യമില്ലായ്മയാണ്. നമ്മുടെ നായകന്മാരെക്കാള് കൂടുതലായി പ്രതിഫലം പറ്റുന്ന അതിസുന്ദരിയായി ഈ തെന്നിന്ത്യന് റാണിക്ക് കൂട്ടിലിട്ട കിളിയെപ്പോലുള്ള ഈ ജീവിതം മടുത്തുവത്രേ. ശരീരസൗന്ദര്യം സൂക്ഷിക്കാന് ഇഷ്ടഭക്ഷണം ഒഴിവാക്കേണ്ട ഗതികേട്. പണം, പ്രശസ്തി, സെറ്റിലിരിക്കാന് എ.സി.കാരവാന്, യാത്ര ചെയ്യുന്ന കാറില് മസാജ് ചെയ്യാന് വരെ സംവിധാനം. ലോകമെമ്പാടും ആരാധകര് .... ഇതൊക്കെയാണെങ്കിലും ബന്ധനം, ബന്ധനം തന്നെയല്ലേ ?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha