നടി മിത്ര കുര്യന് പ്രണയവിവാഹം. സംഗീത രംഗത്ത് പ്രശസ്തനായ വില്യംസ് ഫ്രാന്‍സാണ് വരന്‍. സൗഹൃദം പ്രണയത്തിന് വഴിമാറുകയായിരുന്നെന്ന് മിത്ര പറഞ്ഞു. അടുത്തമാസമാണ് വിവാഹം. അടുത്ത ബന്ധുക്കളെയും സുഹൃത്തുക്കളെയും മാത്രമാണ് ചടങ്ങിന് ക്ഷണിച്ചിട്ടുള്ളത്. അതുകൊണ്ട് ഡേറ്റ് പരസ്യമാക്കിയിട്ടില്ല. ഫാസിലിന്റെ വിസ്മയത്തുമ്പത്ത് എന്ന ചിത്രത്തിലൂടെയാണ് മിത്ര സിനിമയിലെത്തിയത്. സിദ്ദിഖിന്റെ ബോഡി ഗാര്‍ഡാണ് കരിയറില്‍ ബ്രേക്കായത്. ഡാല്‍മ എന്ന മിത്ര പെരുമ്പാവൂര്‍ സ്വദേശിയായ കുര്യന്റെയും ബേബിയുടെയും മകളാണ്. രണ്ട് വര്‍ഷം മുമ്പ് അമേരിക്കയില്‍ വെച്ച് ഒരു ഷോയില്‍ വച്ചാണ് ഇരുവരും പരിചയപ്പെട്ടത്. പ്രണയം വീട്ടിലറിയിച്ചപ്പോള്‍ എതിര്‍പ്പുമുണ്ടായില്ല. 
200 ഓളം സിനിമകളില്‍ പ്രവര്‍ത്തിച്ചിട്ടുള്ള ആളാണ് വില്യംസ് ഫ്രാന്‍സ്. അഴലിന്റെ ആഴങ്ങളില്‍, നാട്ടു വഴിയോരത്തെ പൂമരക്കൊമ്പില്‍, നിന്നോടെനിക്കുള്ള പ്രണയം, തുടങ്ങിയ ഗാനങ്ങളില്‍ വില്യംസിന്റെ കരസ്പര്‍ശമുണ്ട്. തൃശ്ശൂക്കാരായ ഫ്രാന്‍സിന്റെയും മേഴ്‌സിയുടെയും മകനാണ് വില്യംസ്. കുടുംബിനിയായാലും അഭിനയം തുടരുമെന്ന് മിത്ര അറിയിച്ചു. 
വിസ്മയത്തുമ്പത്തില്‍ നയന്‍താരയുടെ കൂട്ടുകാരിയുടെ വേഷമായിരുന്നു. ചെറിയ ചെറിയ വേഷങ്ങള്‍ ചെയ്തുകൊണ്ട് മിത്ര നായിക നിരയിലേക്ക് കയറി. തമിഴില്‍ രണ്ട് ചിത്രങ്ങള്‍ പരീക്ഷിച്ചതിന് ശേഷം ഗുല്‍മാല്‍ എന്ന ചിത്രത്തിലൂടെയാണ് മലയാളത്തില്‍ നായികയായത്. ഏറ്റവും അവസാനം കൊറിയന്‍ പടത്തില്‍ അഭിനയിച്ചു. ബോഡി ഗാര്‍ഡിന്റെ തമിഴ് പതിപ്പില്‍ വിജയ്‌ക്കൊപ്പം അഭിനയിച്ചു. ചിത്രത്തിലെ അഭിനയത്തിന് മികച്ച സഹനടിയ്ക്കുള്ള ഫിലിം ഫെയര്‍ അവാര്‍ഡിന് തമിഴകം നോമിനേറ്റ് ചെയ്തു. അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha