ലൈല ഒ ലൈലയുടെ സെറ്റില് നിന്നും മുങ്ങി, റീലീസിങ്ങ് വൈകും
മോഹന്ലാലും അമലാ പോളും അഭിനയിക്കുന്ന സിനിമയുടെ ഷൂട്ടിങ്ങിനിടെ മോഹന്ലാല് മുങ്ങിയതായി ആരോപണം. ലൈല ഒ ലൈല എന്ന സിനിമയുടെ സെറ്റില് നിന്നാണ് മോഹന്ലാല് മുങ്ങിയത്. മലയാളികള്
ഏറെ പ്രതീക്ഷയോടെ കാത്തിരുന്ന ഈ ചിത്രം ക്രിസ്തുമസിന് റീലീസ് ചെയ്യാന് സാധ്യതയില്ലന്നാണ് പുതിയ വിവരം.
റണ് ബേബി റണ്\' എന്ന ജോഷി ചിത്രത്തിനുശേഷം മോഹന്ലാലും അമല പോളും ഒന്നിക്കുന്ന ചിത്രമാണിത്. ചിത്രത്തിന്റെ 80 ശതമാനം ചിത്രീകരണവും പൂര്ത്തിയായെങ്കിലും ഇനി അവശേഷിക്കുന്ന ആക്ഷന് രംഗങ്ങളും ക്ലൈമാക്സും പൂര്ത്തികരിക്കാതെ കിടക്കുകയാണ്. ചിത്രീകരണത്തിനിടയിലാണ് മോഹന്ലാല് ആശുപത്രിയില് പ്രവേശിക്കപ്പെട്ടത്. ഷെഡ്യൂള് ഇടവേളയ്ക്കിടെ അദ്ദേഹം അന്റാര്ട്ടിക്കയില് പോയതും ചിത്രീകരണം മുടങ്ങാന് ഇടയാക്കി. എന്നാല് തിരികെ വന്ന മോഹന്ലാല് ഈ ചിത്രം പൂര്ത്തിയാക്കാതെ സത്യന് അന്തിക്കാട് സംവിധാനം ചെയ്യുന്ന സിനിമയുടെ ലൊക്കേഷനിലേക്കാണ് പോയത്. പ്രേക്ഷകരുടെ ഇടയില് നിര്ണ്ണായക സ്വാധീനമുള്ള സത്യന് അന്തിക്കാടിന്റെ സിനിമയില് അഭിനയിക്കുന്നതാണ് കൂടുതല് നല്ലെതെന്ന് കരുതിയാണ് അങ്ങോട്ട് പോയതെന്നും ആരോപണമുണ്ട്.
ലാല് ലൈ ഓ ലൈല ക്രിസ്മസിന് റിലീസ് ചെയ്യാനായിരുന്നു തീരുമാനിച്ചിരുന്നത്. എന്നാല് ക്രിസ്തുമസിനു ചിത്രം റിലീസ് ചെയ്യാന് ആവില്ല എന്ന് തിരക്കഥാകൃത്തായ സുരേഷ് നായര് വ്യക്തമാക്കി. ഡ്യൂപ്പിനെ വെച്ച് സിനിമ പൂര്ത്തിയാക്കാന് സംവിധായകന് ശ്രമിച്ചപ്പോള് മോഹന്ലാല് എതിര്ത്തതായും സൂചനയുണ്ട്. ഇതാണ് ചിത്രം പൂര്ത്തിയാക്കാന് കഴിയാത്തതിന് കാരണം.
മോഹന്ലാല് ചെയ്യേണ്ട നിരവധി സ്റ്റണ്ട് സീനുകളാണ് ചിത്രത്തിലുള്ളത്. ഇത് ചെയ്യാന് മോഹന്ലാല് കുറച്ചുസമയം ആവശ്യപ്പെട്ടിട്ടുണ്ടന്നും സ്റ്റണ്ട് സീനുകള് ഡ്യൂപ്പില്ലാതെ സ്വയം ചെയ്യാനാണ് അദ്ദേഹം താല്പര്യപ്പെടുന്നതെന്നും സുരേഷ് പറഞ്ഞു.
ജനുവരിയില് ഷൂട്ടിങ് പുനരാരംഭിക്കാനുമെന്നാണ് പ്രതീക്ഷയെന്നും ഇവര് പറഞ്ഞു. ചിത്രത്തിന്റെ ബജറ്റ് വളരെക്കൂടുതലാണെന്നും നിര്മ്മാതാക്കള്ക്ക് ഈ സിനിമ അധിക ചെലവായി മാറിയെന്നും നേരത്തെ റിപ്പോര്ട്ടുകളുണ്ടായിരുന്നു. ആദ്യം മുംബൈയില് ചിത്രീകരിക്കാന് തീരുമാനിച്ച ചിത്രം ചിലവു ചുരുക്കലിന്റെ ഭാഗമാക്കി ബംഗളുരുവിലേക്ക് മാറ്റിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha