അതല്ല കാര്യം; സണ്ണിവെയ്ന് എന്റെ നല്ല സുഹൃത്ത്... നിഷേധ കുറിപ്പുമായി ഭാമ
ക്രാന്തി എന്ന ചിത്രത്തില് അഭിനയിക്കാമെന്ന് ഏറ്റ ശേഷം നായകനാരെന്നറിഞ്ഞ് ഭാമ പിന്മാറിയെന്ന വാര്ത്ത ഏറെ ചര്ച്ചചെയ്യപ്പെട്ടു. ആ സിനിമയുടെ അണിയറ പ്രവര്ത്തകര് തന്നെയാണ് ഇക്കാര്യം പറഞ്ഞത്. തിരക്കഥ കേട്ട ഭാമ അഭിനയിക്കാന് തീരുമാനിച്ചതാണ്, എന്നാല് നായകന് സണ്ണിയാണെന്ന് അറിഞ്ഞപ്പോള് മറ്റ് ചിത്രങ്ങളുടെ ഡേറ്റ് നോക്കിയിട്ട് പറയാമെന്ന് അറിയിച്ചു.
യുവ നടന്മാരില് ദുല്ഖര്, ആസിഫ് അലി, നിവിന് പോളി തുടങ്ങിയവരുടെ അത്രയും വലിയ താരമല്ല സണ്ണിവെയ്ന് എന്നതിനാലാണ് ഭാമ പിന്മാറിയതെന്ന് സിനിമയുടെ അണിയറ പ്രവര്ത്തകരില് ചിലര് പറഞ്ഞു.
കുഞ്ചാക്കോ ബോബന്, ജയസൂര്യ, ഫഹദ് തുടങ്ങിയവരുടെ നായികയായി അഭിനയിച്ച താന് താരമല്ലാത്ത സണ്ണിയുടെ കൂടെ അഭിനയിച്ചാല് ഇമേജിനെ ബാധിക്കുമെന്നാണ് ഭാമ പറഞ്ഞതെന്ന് അണിയറ പ്രവര്ത്തകരില് ഒരാള് പറഞ്ഞു. ഇതിനെതിരേയാണ് ഭാമ നിഷേധ കുറിപ്പുമായി രംഗത്തെത്തിയത്. തന്റെ ഫേസ് ബുക്കിലൂടെയാണ് ഇത് നിഷേധിച്ചത്.
പ്രിയപ്പെട്ടവരെ...
സണ്ണി വെയ്നൊപ്പം ഞാന് അഭിനയിക്കില്ലെന്ന തരത്തില് ചിലര് കഴിഞ്ഞ ദിവസം മുതല് പ്രചരിപ്പിക്കുന്ന വാര്ത്ത ഞാനും കേട്ടു. സത്യം അറിയാതെ നിങ്ങളില് ചിലരും എന്നെ തെറ്റിദ്ധരിച്ചു. അത് എന്നെ വല്ലാതെ വിഷമിപ്പിച്ചു. മറ്റു ചില കാരണങ്ങള് കൊണ്ടാണ് ആ ചിത്രം ഞാന് ചെയ്യേണ്ടെന്നു തീരുമാനിച്ചത്; അല്ലാതെ സണ്ണി നായകനാകുന്നതു കൊണ്ടല്ല.
എന്റെ നല്ല സുഹൃത്തും മികച്ചൊരു അഭിനേതാവുമാണ് സണ്ണി. അദ്ദേഹത്തിനൊപ്പം സിനിമ ചെയ്യണമെന്ന് ആഗ്രഹിച്ചിരുന്നതുമാണ്. ഇത്തരം വാര്ത്തകള് പ്രചരിപ്പിക്കുന്നവരുടെ ഉദ്ദേശ്യം എന്നെ സ്നേഹിക്കുന്ന നിങ്ങള് തിരിച്ചറിയുമെന്ന് എനിക്ക് ഉറപ്പുണ്ട്.
നിങ്ങളുടെ പിന്തുണയാണ് ഇത്തരം സന്ദര്ഭങ്ങളില് എനിക്ക് ഏറ്റവും ആവശ്യം. അത് എന്നും ഉണ്ടാകുമെന്ന പ്രതീക്ഷയോടെ.
സ്നേഹപൂര്വ്വം
ഭാമ
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha