സോഷ്യല്‍ മീഡിയയില്‍ വൈറലാകുന്നത് നടനും മോഡലുമായ ശ്രീനിഷ് പങ്കുവച്ച ആശംസയിലെ ചിത്രമാണ്. മമ്മൂട്ടിയ്ക്കൊപ്പം നില്‍ക്കുന്ന ബാല്യകാല ചിത്രം പങ്കുവെച്ചു കൊണ്ടാണ് ശ്രീനീഷ് ആശംസ കുറിച്ചത്. ചിത്രത്തിനോടൊപ്പം ഹാപ്പി ബെര്‍ത്ത് ഡേ മമ്മൂക്ക എന്നും കുറിച്ചിട്ടുണ്ട്. പച്ച ഷര്‍ട്ടുകാരാന്‍ കുട്ടി പേളിയുടെ ശ്രീനിയാണോ എന്നാണ് എല്ലാവരും ചോദിക്കുന്നത്. മിനിസ്ക്രീന്‍ പ്രേക്ഷകരുടെ പ്രിയപ്പെട്ട നടനാണ് ശ്രീനീഷ്. ബിഗ് ബോസ് റിയാലിറ്റി ഷോയിലൂടെ പേളിയുമായി പ്രണയത്തിലാവുകയും ഇരുവരും വിവാഹം കഴിക്കുകയും ചെയ്തിരുന്നു.മലയാളത്തിന്റെ മെഗാ സ്റ്റാര്‍ മമ്മൂട്ടിയുടെ അറുപത്തിയെട്ടാം പിറന്നാള്‍ ആരാധകര്‍ ആഘോഷമാക്കി. മോഹന്‍ലാല്‍ അടക്കമുള്ള താര പ്രമുഖര്‍ മമ്മൂട്ടിക്ക് പിറന്നാള്‍ ആശംസ അറിയിച്ചു .