തെന്നിന്ത്യയില്‍ തിളങ്ങി നില്‍ക്കുന്ന താരമാണ് നടി അമല പോള്‍. 'ആടൈ' എന്ന ചിത്രത്തില്‍ നഗ്‌നയായി പ്രത്യക്ഷപ്പെട്ടതോടെ അമലക്കെതിരെ ഏറെ വിമര്‍ശനങ്ങള്‍ ഉയര്‍ന്നിരുന്നു. എന്നാല്‍ അതിലൊന്നും എന്നെ തളര്‍ത്താന്‍ കഴിയില്ലായെന്ന് വെല്ലുവിളിച്ചുകൊണ്ട് തന്റെ പുതിയ ഹോട്ട് ലുക്ക് താരം പങ്കുവച്ചിരിക്കുകയാണ്. താരം ഇന്‍സ്റ്റഗ്രാമിലൂടെ പങ്കുവെച്ച ചിത്രങ്ങള്‍ കണ്ട് ആരാധകര്‍ ഒന്നടങ്കം അമ്പരന്നിരിക്കുകയാണ്. സ്വിം സ്യൂട്ടില്‍ ഒരു പാറക്കെട്ടിന് മുകളിലേക്ക് വലിഞ്ഞു കയറുന്നതായ ചിത്രങ്ങളാണ് അമല പങ്കുവെച്ചിരിക്കുന്നത്.

'എന്നെ തളര്‍ത്തുന്ന എല്ലാ കാര്യങ്ങളും എന്നെ ജീവിക്കാന്‍ പ്രേരിപ്പിക്കുന്നു' എന്നാണ് ചിത്രങ്ങള്‍ക്ക് ക്യാപ്ഷനായി താരം കുറിച്ചിരിക്കുന്നത്. വിനോദ് കെ ആര്‍ നിര്‍മ്മിക്കുന്ന 'അതോ അന്ത പറവ്വെ പോലെ'യാണ് അമലയുടെ പുതിയ തമിഴ് ചിത്രം. ബ്ലെസ്സിപൃഥിരാജ് കൂട്ടുകെട്ടിലൊരുങ്ങുന്ന 'ആടുജീവിത'മാണ് മലയാളത്തില്‍ അമലയുടെ ഏറ്റവും പുതിയ ചിത്രം.