നടന്‍ കൃഷ്ണകുമാറിന്റെ മകളും യുവനടിമാരില്‍ ഏറെ ആരാധകരുള്ള താരവുമാണ് അഹാന കൃഷ്ണകുമാര്‍. സോഷ്യല്‍മീഡിയില്‍ വളരെ സജീവമായ താരത്തിന്റെ ഇന്‍സ്റ്റാഗ്രാം പോസ്റ്റുകള്‍ തന്നെയാണ് നടിക്ക് ഇത്രയധികം ആരാധകരെ നേടിക്കൊടുത്തതും. 

സാരിയില്‍ അതിസുന്ദരിയായി പ്രത്യക്ഷപ്പെടുന്ന ചില ചിത്രങ്ങള്‍ താരം ഇന്‍സ്റ്റഗ്രാമില്‍ പോസ്റ്റു ചെയ്തിരിക്കുകയാണ്. നദിക്കരയില്‍ നടത്തിയിരിക്കുന്ന ഫോട്ടോഷൂട്ടില്‍ നീല സാരിയും വെള്ള ബ്ലൗസുമാണ് അഹാനയുടെ വേഷം. 'കിടുക്കാച്ചി'യെന്നും 'എജ്ജാതി ലുക്കെ'ന്നും കമന്റുകളുമായി ആരാധകര്‍ അഹാനയെ പ്രശംസകള്‍ കൊണ്ടു മൂടുകയാണ്. അഹാന അവസാനം അഭിനയിച്ച പതിനെട്ടാംപടി എന്ന ചിത്രത്തിലെ ആനി എന്ന കഥാപാത്രത്തെ ഓര്‍മ്മ വരുന്നുവെന്നും ചിലര്‍ പറയുന്നു. സാരിയായിരുന്നു സിനിമയിലെ ആനിയുടെ വേഷം.