രണ്ട് തവണ വിവാഹം കഴിച്ചു എന്ന കാര്യത്തിന് പ്രേക്ഷകരിൽ നിന്നും ഏറെ വിമർശനം നേരിടേണ്ടി വന്ന താരമാണ് ബഷീർ. ഭാര്യമാരും കുട്ടികളും ഒരു വീടിനുള്ളില്‍ സന്തോഷത്തോടെ കഴിയുന്നു എന്നത് പലര്‍ക്കും അതിശയമാണ്. ബഷീറും രണ്ടാം ഭാര്യയും അവരുടെ ആദ്യ വിവാഹ വാര്‍ഷികം ആഘോഷിക്കുന്ന ചിത്രങ്ങള്‍ സോഷ്യല്‍മീഡിയയില്‍ വൈറലായിരുന്നു. രണ്ടാം ഭാര്യയെ ചേര്‍ത്ത് നിര്‍ത്തി സന്തോഷം പങ്കുവെക്കുന്നതിന്റെ ചിത്രങ്ങള്‍ സോഷ്യല്‍ മീഡിയ വഴി ബഷീര്‍ തന്നെയായിരുന്നു പുറത്ത് വിട്ടത്. അതേ സമയം ബഷീറിനും ഭാര്യയ്ക്കും വിവാഹ വാര്‍ഷികത്തിന്റെ ആശംസകളുമായി ആദ്യ ഭാര്യ സുഹാനയും ആശംസകള്‍ അറിയിച്ചു.മോഡല്‍, അവതാരകന്‍, അഭിനേതാവ് എന്നിങ്ങനെ വിശേഷണങ്ങള്‍ പലതുണ്ട് ബഷീര്‍ ബഷിക്ക്. മോഹന്‍ലാല്‍ അവതാരകനായ റിയാലിറ്റി ഷോയിലൂടെയാണ് ബഷീര്‍ പ്രശസ്തനാകുന്നത്. പ്രശസ്തി മാത്രമല്ല, കനത്ത സൈബര്‍ ആക്രമണം നേരിടുന്ന മലയാളികളിലൊരാളാണ് ഇന്ന് ബഷീര്‍.

രണ്ട് വിവാഹം കഴിച്ചിട്ടുണ്ട് എന്നതാണ് ഈ സൈബര്‍ ആക്രമണത്തിനു കാരണം. ബിഗ് ബോസ് സീസണ്‍ വണ്ണിലൂടെ ഫാന്‍സിന്റെ എണ്ണം കൂടിയ താരമാണ് ബഷീര്‍ബഷി. താരത്തിന്റെ സ്വകാര്യജീവിതത്തിലേക്ക് പലപ്പോഴും ക്യാമറക്കണ്ണുകള്‍ വരാറുണ്ട്.രണ്ട് ഭാര്യമാര്‍ക്കൊപ്പം ചെയ്യുന്ന ടികിടോക്ക് വീഡിയോളും സോഷ്യല്‍മീഡിയയില്‍ വൈറലാണ്. ജീവിതത്തില്‍ രണ്ട് സുഹൃത്തുക്കള്‍ മാത്രമാണ് ഉള്ളതെന്നും ഷമീര്‍ , സനീഷ് എന്നാണവരുടെ പേരുകള്‍ എന്നും താരം പറയുന്നു. താരത്തിന്റെ കല്ലുമ്മക്കായ എന്ന വെബ് സീരിസ് പ്രേക്ഷക ശ്രദ്ദ നേടി കഴിഞ്ഞു. രണ്ടുഭാര്യമാരും, മക്കളും, സുഹൃത്തുക്കളും മാത്രമാണ് അതിലുള്ളത്, അത് കൊണ്ടുതന്നെ യാതൊരു ടെന്‍ഷനും ഇല്ല. ഇനിയും പുതിയ ആളുകളെ ഉള്‍പ്പെടുത്തി വരും എപ്പിസോഡുകള്‍ കൂടുതല്‍ കളര്‍ ആക്കാനാണ് നമ്മുടെ ആലോചനഎന്നും ബഷീര്‍ ബഷി പറയുന്നു.