സംവിഥായകന്‍ പ്രിയദര്‍ശന്റെയും നടി ലിസിയുടെയും മകന്‍ സിദ്ധാര്‍ത്ഥ് പ്രിയദര്‍ശന്‍ വിവാഹിതനായി. യു.എസ് സ്വദേശിയും വിഷ്വല്‍ എഫക്ട്‌സ് പ്രൊഡ്യൂസറുമായ മെലാനിയാണ് വധു. ചെന്നൈയിലെ പുതിയ ഫ്‌ലാറ്റില്‍ സ്വകാര്യമായി നടന്ന ചടങ്ങിലായിരുന്നു വിവാഹം.

പ്രിയദര്‍ശനും ലിസിയും കല്യാണി പ്രിയദര്‍ശനും അടുത്ത ബന്ധുക്കളും സുഹൃത്തുക്കളുമടക്കം പത്തോളം പേരാണ് ചടങ്ങില്‍ പങ്കെടുത്തത്. വെള്ളിയാഴ്ച വൈകിട്ട് 6.30നായിരുന്നു വിവാഹം. പിയദര്‍ശന്‍ സംവിധാനം ചെയ്ത മരക്കാര്‍ അറബിക്കടലിന്റെ സിംഹം എന്ന ചിത്രത്തില്‍ സിദ്ധാര്‍ത്ഥ് ആയിരുന്നു വി.എഫ്.എക്‌സ് ചെയ്തിരുന്നത്. ഈ ചിത്രത്തിന് സിദ്ധാര്‍ത്ഥിന് ദേശീയ പുരസ്‌കാരം ലഭിച്ചിരുന്നു.