ന്യൂമോണിയ ബാധയെ തുടര്ന്ന് കൊച്ചി ലേക് ഷോറില് ചികിത്സയില് കഴിയുന്ന നടനും മുൻ എംപിയുമായ ഇന്നസെന്റ്ന്റെ ആരോഗ്യ നിലയില് നേരിയ പുരോഗതി! ഗണേഷ് കുമാറിന്റെ ഇടപെടൽ ആര്സിസിയിലെയും മെഡിക്കല് കോളേജിലെയും വിദഗ്ധസംഘം എത്തി
ന്യൂമോണിയ ബാധയെ തുടര്ന്ന് കൊച്ചി ലേക് ഷോറില് ചികിത്സയില് കഴിയുന്ന നടനും മുൻ എംപിയുമായ ഇന്നസെന്റ്ന്റെ ആരോഗ്യ നിലയില് നേരിയ പുരോഗതി. അദ്ദേഹത്തെ ചികിത്സയിക്കാനും പരിശോധിയ്ക്കാനും പ്രത്യേക മെഡിക്കല് സംഘത്തെ സര്ക്കാര് നിയോഗിച്ചതോടെയാണ് നടന്റെ ആരോഗ്യനിലയില് പുരോഗതി ഉണ്ടായത്. തിരുവനന്തപുരം ആര്സിസിയിലേയും തിരുവനന്തപുരം, കോട്ടയം, ആലപ്പുഴ മെഡിക്കല് കോളേജിലെയും വിദഗ്ധ ഡോക്ടര്മാരാണ് സംഘത്തിലുള്ളത്. ന്യൂമോണിയ ബാധിച്ചതിനെ തുടര്ന്നാണ് ആശപുത്രിയില് പ്രവേശിപ്പിച്ചത്. മരുന്നുകള് കാര്യമായി ഗുണം ചെയ്യാത്ത സ്ഥിതിവിശേഷമായിരുന്നു. നടന് ഗണേഷ് കുമാറിന്റെയും ഫെഫ്ക ജനറല് സെക്രട്ടറി ബി. ഉണ്ണികൃഷ്ണന്റെയും ഇടപെടലിനെ തുടര്ന്നാണ് സര്ക്കാരില് നിന്നുംമെഡിക്കല് സംഘത്തെ രൂപീകരിക്കാനുള്ള തീരുമാനമുണ്ടാക്കിയത്. മലയാളികളെ എന്നും കുടുകുടാ ചിരിപ്പിച്ച താരമാണ് ഇന്നസെന്റ്. ക്യാന്സര് എന്ന മഹാരോഗത്തെ ചിരിച്ചുകൊണ്ട് നേരിട്ട അപൂര്വ്വ വ്യക്തികളില് ഒരാള് കൂടിയാണ് അദ്ദേഹം. കാന്സർ വാർഡിലെ ചിരി എന്നത് ഉള്പ്പടേയുള്ള പുസ്തകങ്ങളും അദ്ദേഹം എഴുതിയിട്ടുണ്ട്. എംപിയായപ്പോള് പാര്ട്ടിക്ക് നാല് വോട്ട് പിടിക്കാനല്ല ശ്രമിച്ചതെന്നും അഞ്ചിടത്ത് കാന്സര് പരിശോധന സംവിധാനങ്ങള് സ്ഥാപിച്ചുവെന്നും അദ്ദേഹം പിന്നീട് വ്യക്തമാക്കിയിരുന്നു.
അങ്കമാലി. ചാലക്കുടി, ആലുവ, പെരുമ്പാവൂര് എന്നീ അഞ്ച് സ്ഥലങ്ങളില് മാമോഗ്രാം ചികിത്സാ കേന്ദ്രം സ്ഥാപിക്കുകയായിരുന്നു അദ്ദേഹം ചെയ്തത്. കാന്സർ രോഗം സ്ഥിരീകരിച്ചാല് അതിനെ മറ്റുള്ളവരില് നിന്ന് മറച്ചുവെക്കാനായിരിക്കും എല്ലാവരും ശ്രമിക്കുക. എന്നാല് തനിക്ക് കാന്സറാണെന്ന് അദ്ദേഹം ലോകത്തോട് വിളിച്ച് പറയുകയായിരുന്നു. ഞാന് ആരുടേയും മുതല് കട്ടു കൊണ്ട് വന്നിട്ടില്ല, പുറത്തു പറയാതിരിക്കാന് എന്നായിരുന്നു നേരത്തെ ഇത് സംബന്ധിച്ച് അദ്ദേഹം നടത്തിയ പ്രതികരണം.
https://www.facebook.com/Malayalivartha