ഒരു ദശകത്തിലേറെ മലയാള സിനിമയില്‍ നിറഞ്ഞ് നിന്ന താരമാണ് കാവ്യ. വിവാഹശേഷം സിനിമകളിൽ നിന്നും ഇടവേള എടുത്തിരിക്കുകയാണ് താരം. വിവാഹവേദികളിലും ഉത്‌ഘാടന സ്ഥലങ്ങളിലുമൊക്കെ കാവ്യ ദിലീപിനൊപ്പം ഇടയ്ക്കൊക്കെ കാണാറുണ്ട്. ഇപ്പോഴിത ദിലീപിന്റേയും കുടുംബത്തിന്റേയും മറ്റൊരു ചിത്രമാണ് സോഷ്യൽമീഡിയയിൽ നിറയുന്നത്.

ദിലീപിന്റെ മകൾ മീനാക്ഷിയെ ചേർത്ത് പിടിച്ചാണ് കാവ്യ മാധവൻ ഫോട്ടോയിൽ നിൽക്കുന്നത്. മെഡിക്കൽ വിദ്യാർഥിനിയായ മീനാക്ഷി ദിലീപ് വളരെ വിരളമായാണ് മീഡിയയ്ക്ക് മുമ്പിൽ പ്രത്യക്ഷപ്പെടാറുള്ളത്. വെള്ളയും ബിസ്കറ്റ് കളറും കലർന്ന ഷോർട്ട് ഡ്രസ്സായിരുന്നു മീനാക്ഷി ധരിച്ചിരുന്നത്. പച്ച നിറത്തിലുള്ള ടോപ്പാണ് കാവ്യ മാധവൻ ധരിച്ചിരുന്നത്. കാവ്യയുമായി മീനാക്ഷി വളരെ നല്ല അടുപ്പമാണ്. കാവ്യയുടെ പിറന്നാൾ ദിനം വരുമ്പോൾ ആരാധകർ കാത്തിരിക്കുന്നത് മീനാക്ഷി പങ്കുവെക്കുന്ന സ്പെഷ്യൽ ആശംസ കാണാനാണ്. ചെന്നൈയിലാണ് മീനാക്ഷി പഠിക്കുന്നത്.

ദിലീപിന്റേയും കാവ്യയുടേയും മകൾ മഹാലക്ഷ്മിയെ ഇത്തരം പൊതുചടങ്ങുകളിൽ കാവ്യ വിരളമായി മാത്രമെ കൊണ്ടുവരാറുള്ളു. അവധിക്ക് നാട്ടിലെത്തുമ്പോഴാണ് മീനാക്ഷിയും സിനിമാക്കാരുടെ പരിപാടികളിൽ പങ്കെടുക്കാൻ എത്തുന്നത്. യുവനടി നിരഞ്ജന അനൂപ് അടക്കമുള്ള താരങ്ങൾക്കൊപ്പം നിന്നാണ് ദിലീപും കുടുംബവും ​ഗ്രൂപ്പ് സെൽഫി പകർത്തിയത്. കാവ്യയുടെ ചിത്രങ്ങൾ പുറത്ത് വരുമ്പോൾ തന്നെ ആരാധകർ അത് ആഘോഷമാക്കാറുണ്ട്.