എനിക്ക് ആത്മീയയോട് ചിലത് ചോദിക്കാനുണ്ട്... കാണാൻ കാത്തിരിക്കുകയായിരുന്നു! എനിക്കെന്താണ് കുറവുള്ളത്... ഒന്നല്ല, എന്റെ രണ്ട് അവസരങ്ങളാണ് ഈ കുട്ടി തട്ടിയെടുത്തത്... നടിയോട് മുഖത്ത് നോക്കി ചോദ്യവുമായി സ്വാസിക വിജയ്
മലയാളികളുടെ ഇഷ്ടതാരമാണ് സ്വാസിക വിജയ്. സിദ്ധാർത്ഥ് ഭരതൻ സംവിധാനം ചെയ്ത ചതുരമാണ് സ്വാസികയുടെ അവസാന ചിത്രം. സിനിമയിൽ തന്റെ രണ്ട് അവസരങ്ങൾ നടി ആത്മീയ രാജൻ തട്ടിയെടുത്തുവെന്ന് പറയുകയാണ് സ്വാസിക വിജയ്. അമൃത ടിവിയുടെ റെഡ് കാർപെറ്റ് എന്ന പരിപാടിയിൽ സ്വാസികയാണ് അവതാരക. ഈ പരിപാടിയിൽ അതിഥിയായെത്തിയപ്പോഴാണ് ആത്മീയ രാജനോട് സ്വാസിക പരിഭവം പറഞ്ഞത്. ആത്മീയ സിനിമാ വിശേഷങ്ങൾ പങ്കുവയ്ക്കുന്നതിടെയായിരുന്നു സ്വാസികയുടെ പരാതി.
രഞ്ജൻ പ്രമോദ് സംവിധാനം ചെയ്ത റോസ് ഗിത്താറിനാൽ എന്ന ചിത്രത്തിൽ ആത്മീയ രാജനായിരുന്നു നായിക. താനും ആ സിനിമയുടെ ഓഡിഷന് പോയിരുന്നെന്നും എന്നാൽ തനിക്ക് അവസരം കിട്ടിയില്ലെന്നും സ്വാസിക ആത്മീയയോട് പറഞ്ഞു. 'എനിക്ക് ആത്മീയയോട് ചിലത് ചോദിക്കാനുണ്ട്. കാണാൻ കാത്തിരിക്കുകയായിരുന്നു ഞാൻ. ഞാനും ആ സിനിമയുടെ ഓഡിഷന് പോയിരുന്നു. പക്ഷേ എനിക്ക് കിട്ടിയില്ല. അങ്ങനെ എനിക്കെന്താണ് കുറവുള്ളത്. ഒന്നല്ല, എന്റെ രണ്ട് അവസരങ്ങളാണ് ഈ കുട്ടി തട്ടിയെടുത്തത്. രണ്ടാമത്തെ ചിത്രം പൃഥിരാജ് നായകനായ കോൾഡ് കേസ് ആണ്. എന്നെ ആ സിനിമയിലേയ്ക്ക് ആദ്യം വിളിച്ചിരുന്നു. എന്നാൽ പിന്നീട് അവരെന്നെ വിളിച്ചില്ല. അതിന് ശേഷം ആ സിനിമ കാണുമ്പോഴാണ് ആ സ്ഥാനത്ത് ആത്മീയയെ കാണുന്നതെന്നും സ്വാസിക തമാശയായി പറഞ്ഞു. എന്നാൽ പ്രേതത്തിന്റെ ലുക്ക് കൂടുതലുള്ളത് തനിക്കാണെന്നും അത് താൻ വിട്ടുതരില്ലെന്നുമാണ് സ്വാസികയുടെ ചോദ്യത്തിന് ആത്മീയ രാജൻ മറുപടി നൽകിയത്. മലയാളത്തിന് പുറമേ തമിഴിലും സജീവമായ ആത്മീയ അടുത്തിടെ തെലുങ്കിലും ചുവടുവച്ചു. ശേഖർ എന്ന ചിത്രത്തിലാണ് ആത്മീയ അഭിനയിച്ചത്. ഉണ്ണി മുകുന്ദൻ നായകനായ ഷെഫീക്കിന്റെ സന്തോഷമാണ് ആത്മീയയുടേതായി മലയാളത്തിലിറങ്ങിയ അവസാന ചിത്രം.
https://www.facebook.com/Malayalivartha