ആ ചിരി ഇനിയില്ല... നര്മ്മവും ഗൗരവവും നിറഞ്ഞ വിവിധ വേഷങ്ങളിലൂടെ മലയാളികളുടെ മനംകവര്ന്ന നടനും മുന് പാര്ലമെന്റ് അംഗവും താരസംഘടനയായ അമ്മയുടെ മുന് പ്രസിഡന്റുമായ ഇന്നസെന്റ് അന്തരിച്ചു.... 75 വയസ്സായിരുന്നു; ലേക്ഷോര് ആശുപത്രിയില് ഇന്നലെ രാത്രിയായിരുന്നു അന്ത്യം
ആ ചിരി ഇനിയില്ല... നര്മ്മവും ഗൗരവവും നിറഞ്ഞ വിവിധ വേഷങ്ങളിലൂടെ മലയാളികളുടെ മനംകവര്ന്ന നടനും മുന് പാര്ലമെന്റ് അംഗവും താരസംഘടനയായ അമ്മയുടെ മുന് പ്രസിഡന്റുമായ
..ലേക്ഷോര് ആശുപത്രിയില് ഇന്നലെ രാത്രിയായിരുന്നു അന്ത്യം
75 വയസായിരുന്നു. ലേക്ഷോര് ആശുപത്രിയില് ഇന്നലെ രാത്രി 10.30 നായിരുന്നു അന്ത്യം.
ലേക്ഷോര് ആശുപത്രിയില് മാര്ച്ച് രണ്ടിനാണ് ഇന്നസെന്റിനെ പ്രവേശിപ്പിച്ചത്. കാന്സറിന് ചികിത്സയിലായിരുന്ന അദ്ദേഹത്തിന്റെ ശ്വാസകോശം, ഹൃദയം, കിഡ്നി എന്നിവയ്ക്കും പ്രശ്നങ്ങള് ബാധിച്ചിട്ടുണ്ടായിരുന്നു.
വെന്റിലേറ്ററിലും ഐ.സി.യുവിലുമായി കഴിഞ്ഞിരുന്ന അദ്ദേഹത്തിന്റെ നില രണ്ടാഴ്ചയായി ഗുരുതരമായി തുടരുകയായിരുന്നു. ഇന്നലെ രാത്രി ഒമ്പതിന് ഇന്നസെന്റിനെ ചികിത്സിക്കുന്ന കാന്സര് വിദഗ്ദ്ധന് ഡോ. വി.പി. ഗംഗാധരന്റെ നേതൃത്വത്തില് മെഡിക്കല് ബോര്ഡ് യോഗം ചേര്ന്നിരുന്നു.
പ്രതീക്ഷയ്ക്ക് വകയില്ലാത്തവിധം അതീവഗുരുതരമായതിനാല് ജീവന് നിലനിറുത്തിയിരുന്ന എക്സ്ട്രാകോര്പ്പറിയല് മെമ്പറന്സ് ഓക്സിജനേഷന് (ഇ.സി.എം.ഒ) സംവിധാനം നീക്കാന് 10 മണിയോടെ തീരുമാനിച്ചു. 10.30ന് മരണം സ്ഥിരീകരിച്ചു.
മരണവിവരമറിഞ്ഞ് താരങ്ങളായ മമ്മൂട്ടി, മോഹന്ലാല്, ജയറാം, ദിലീപ് തുടങ്ങിയവര് ആശുപത്രിയിലെത്തി. മൃതദേഹം ഇന്ന് രാവിലെ 8ന് കടവന്ത്രയിലെ രാജീവ് ഗാന്ധി ഇന്ഡോര് സ്റ്റേഡിയത്തില് പൊതുദര്ശനത്തിന് ശേഷം സംസ്കാരം .
2013ല് തൊണ്ടയില് കാന്സര് ബാധിച്ചതിനെ തുടര്ന്ന് കീമോതെറാപ്പിക്ക് വിധേയനായി. സുഖം പ്രാപിച്ച ശേഷം സിനിമയില് സജീവമായി പ്രവര്ത്തിച്ചു വരികയായിരുന്നു. പിന്നീട് മൂന്നുതവണ കാന്സര് രോഗം അലട്ടിയെങ്കിലും ചിരിച്ച മുഖത്തോടെ നേരിട്ട് ജീവിതത്തിലേക്ക് തിരിച്ചെത്തിയിരുന്നു.
18 വര്ഷം ചലച്ചിത്രതാരങ്ങളുടെ സംഘടനയായ അമ്മയുടെ പ്രസിഡന്റായിരുന്നു. 2014 മേയില് എല്.ഡി.എഫിന്റെ പിന്തുണയോടെ ചാലക്കുടിയില് നിന്ന് പാര്ലമെന്റിലെത്തി..750ഓളം സിനിമകളില് അഭിനയിച്ച അദ്ദേഹം, പകര്ന്നാടിയ ചെറുതും വലുതുമായ വേഷങ്ങള് ജീവസ്സുറ്റതും വ്യത്യസ്തങ്ങളുമായിരുന്നു. ഹാസ്യനടനില് നിന്ന് സ്വഭാവനടനായും പ്രതിനായകനും നായകനുമായി അഭിനയിച്ചിരുന്നു.
കോമഡി റോളുകളും സിരീയസായ റോളുകളും ഒരു പോലെ കൈകാര്യം ചെയ്യാന് അദ്ദേഹത്തിന് കഴിഞ്ഞിരുന്നു. എല്ലാ കഥാപാത്രങ്ങളെയും കാഴ്ചക്കാരുടെ മനസ്സില് എന്നും നിലനിര്ത്താനായി അദ്ദേഹത്തിന്റെ അഭിനയത്തിന് കഴിഞ്ഞിരുന്നു.
https://www.facebook.com/Malayalivartha