സുബിയുടെ നടക്കാതെ പോയ സ്വപ്നം...
+അവകാരകയും നടിയുമായ സുബിയുടെ മരണം ആരാധകരെ ഏറെ സങ്കടത്തിലാക്കിയതാണ്. ഇപ്പോള് സുബിയുടെ സമൂഹമാധ്യമ പേജില് പങ്കുവെച്ചിരിക്കുന്ന ഒരു ചിത്രം വീണ്ടും ആരാധകരെ വോദനിപ്പിക്കുകയാണ്. കരള് സംബന്ധമായ അസുഖത്തെ തുടര്ന്ന് ഫെബ്രുവരി 22നാണ് സുബി സുരേഷ് അന്തരിച്ചത്. സുബിയുടെ മരണത്തിന് പിന്നാലെ ഏറെ ആഗ്രഹത്തോടെ തുടങ്ങിയ യൂട്യൂബ്, ഫേസ്ബുക്ക് ഹാന്ഡിലുകള് വീണ്ടും ഉപയോഗിക്കുമെന്നും നേരത്തെ എടുത്ത വിഡിയോകള് അപ്ലോഡ് ചെയ്യുമെന്നും സഹോദരന് വ്യക്തമാക്കിയിരുന്നു.
വിവാഹവേഷത്തില് അണിഞ്ഞൊരുങ്ങിയ സുബിയുടെ ചിത്രമാണ് ആരാധകരുടെ ഉള്ളുലയ്ക്കുന്നത്. വെള്ള നിറത്തിലുള്ള ഗൗണില് കയ്യില് പൂക്കളുമായി നില്ക്കുന്ന ഫോട്ടോയാണ് പങ്കുവെച്ചത്. 'മാലാഖമാര് നമ്മെ സന്ദര്ശിക്കുമ്പോള് ചിറകുകളുടെ ശബ്ദം കേള്ക്കുകയോ തൂവല് സ്പര്ശം അനുഭവിക്കുകയോ ചെയ്യുന്നില്ല. പക്ഷേ, അവര് നമ്മുടെ ഹൃദയത്തില് സൃഷ്ടിക്കുന്ന സ്നേഹത്താല് അവരുടെ സാമീപ്യം നമ്മള് അറിയുന്നു' എന്ന കുറിപ്പോടെയാണ് ചിത്രം പങ്കുവെച്ചത്. ചിത്രത്തിന് ഇതിനോടകം നിരവധി കമന്റുകളാണ്.
സുബിയുെട വിവാഹത്തിനായി ആരാധകര് നീണ്ട കാലമായി കാത്തിരിപ്പിലായിരുന്നു. വിവാഹിതയാകാന് താല്പര്യമില്ലെന്നായിരുന്നു സുബിയുടെ ആദ്യ നിലപാട്. എന്നാല് വിവാഹിതയാകാന് പോകുന്നു എന്ന വിവരം അടുത്തിടെ സുബി തുറന്നു പറഞ്ഞിരുന്നു. പ്രതിശ്രുത വരന് രാഹുലിനെയും പരിചയപ്പെടുത്തിയിരുന്നു. എന്നാല് വിവാഹത്തിന് മുമ്പേ എല്ലാവരെയും കണ്ണീരിലാഴ്ത്തി സുബി എല്ലാവരെയും വിട്ട് പോകുകയായിരുന്നു.
https://www.facebook.com/Malayalivartha