വ്യാജ വാര്ത്തകള്ക്കെതിരെ പ്രതികരിച്ച് പൃഥ്വിരാജ്...
വര്ത്തമാനകാലത്ത് അതിവേഗം ഇല്ലാതായിക്കൊണ്ടിരിക്കുന്നു മാദ്ധ്യമ ധാര്മികത എന്നതിനാല് സാധാരണഗതിയില് ഇത്തരം വ്യാജആരോപണങ്ങളേയും വാര്ത്തകളേയും ഞാന് അത് അര്ഹിക്കുന്ന അവഗണനയോടെ തള്ളിക്കളയാറാണുള്ളത്. ഇപ്പോള് പ്രചരിക്കുന്ന വ്യാജ വാര്ത്തകള്ക്കെതിരെ പ്രതികരിച്ച് പൃഥ്വിരാജ് സുകുമാരന്. എന്ഫോഴ്സ്മെന്റ് ഡയറക്ടേറ്റ് സ്വീകരിച്ച നടപടികള്ക്ക് പിഴയായി 25ലക്ഷം രൂപ പിഴയടച്ചു എന്ന തരത്തില് പ്രചരിച്ച വാര്ത്തകളില് പ്രതികരിക്കുകയായിരുന്നു അദ്ദേഹം. ഈ വാര്ത്ത അടിസ്ഥാനരഹിതമാണെന്നാണ് പൃഥ്വിരാജ് തന്റെ ഫേസ്ബുക്കില് കുറിച്ചത്.
'എന്ഫോഴ്സ്മെന്റ് ഡയറക്ടേറ്റ് സ്വീകരിച്ച നടപടികള്ക്ക് പിഴയായ് 25 കോടി രൂപ അടച്ചുവെന്നും 'പ്രൊപഗാന്ഡ' സിനിമകള് നിര്മിക്കുന്നുവെന്നും ആരോപിച്ച് എനിക്കെതിരെ അപകീര്ത്തിപരവും വ്യാജവുമായ വാര്ത്ത, ചില ഓണ്ലൈന്, യൂട്യൂബ് ചാനലുകളില് പ്രസിദ്ധീകരിച്ചത് എന്റെ ശ്രദ്ധയില്പെട്ടിട്ടുണ്ട്. ഈ ആരോപണം തീര്ത്തും അസത്യവും അടിസ്ഥാനരഹിതവും അത്യന്തം അധിക്ഷേപകരവുമാണ് എന്നതിനാല് പ്രസ്തുത ചാനലിനെതിരെ ശക്തമായ നിയമനടപടികള് ഞാന് ആരംഭിക്കുകയാണെന്നും' പൃഥ്വിരാജ് പറഞ്ഞു.
പോസ്റ്റിന്റെ പൂര്ണരൂപം...
വര്ത്തമാനകാലത്ത് അതിവേഗം ഇല്ലാതായിക്കൊണ്ടിരിക്കുന്നു മാദ്ധ്യമ ധാര്മികത എന്നതിനാല് സാധാരണഗതിയില് ഇത്തരം വ്യാജആരോപണങ്ങളേയും വാര്ത്തകളേയും ഞാന് അത് അര്ഹിക്കുന്ന അവഗണനയോടെ തള്ളിക്കളയാറാണുള്ളത്. എന്നാല് തീര്ത്തും വസ്തുതാവിരുദ്ധവും വ്യക്തിപരമായി അധിക്ഷേപകരവുമായ ഒരു 'കള്ളം', വാര്ത്ത എന്ന പേരില് പടച്ചുവിടുന്നത് എല്ലാ മാദ്ധ്യമധര്മത്തിന്റേയും പരിധികള് ലംഘിക്കുന്നതാണ്. ഈ വിഷയത്തില് നിയമത്തിന്റെ ഏതറ്റം വരെ പോകാനും ഞാന് ഒരുക്കമാണ്. സിവിലും ക്രിമിനലുമായ എല്ലാ നിയമനടപടികളും സ്വീകരിക്കും. ഇനിയും വ്യക്തത വേണ്ടവര്ക്ക്: ഞാന് ഈ കാര്യത്തില് ഒരു തരത്തിലുള്ള പിഴയും അടക്കേണ്ടിവന്നിട്ടില്ല.
https://www.facebook.com/Malayalivartha