മന്ത്രിയുമായി സുകന്യയ്ക്ക് രഹസ്യ ബന്ധം: എവിടെ തിരിഞ്ഞാലും സേവിക്കാന് തയ്യാറായി നില്ക്കുന്ന ആളുകൾ: നാട്ടിലെ ആഢംബര ജീവിതം അമേരിക്കയിൽ കിട്ടിയില്ല:- ഭർത്താവിൽ നിന്ന് മോശം അനുഭവങ്ങൾ | സുകന്യയുടെ ജീവിതത്തിൽ സംഭവിച്ചത്....
മലയാള സിനിമയിലെ 90-കളിലെ മുന്നിര നായികമാരില് പ്രധാനിയായിരുന്നു നടി സുകന്യ. ‘തൂവല് കൊട്ടാരം’, ‘സാഗരം സാക്ഷി’, ‘ചന്ദ്രലേഖ’ തുടങ്ങിയ ഹിറ്റ് ചിത്രങ്ങളില് നായികയായ സുകന്യയുടെ മലയാളത്തിലേക്കുള്ള തിരിച്ചു വരവ് ‘കുപ്രസിദ്ധ പയ്യന്’ എന്ന മധുപാല് ചിത്രത്തിലൂടെയാണ്. തമിഴ്, തെലുങ്ക്, കന്നഡ തുടങ്ങിയ ഭാഷകളിലെ സിനിമകള്ക്ക് പുറമെ മിനിസ്ക്രീൻ പരമ്പരകളിലും സുകന്യ അഭിനയിച്ചിട്ടുണ്ട്. ഇപ്പോഴിതാ സുകന്യയെക്കുറിച്ച് നടനും മാധ്യമ പ്രവര്ത്തകനുമായ ബയില്വാന് രംഘനാഥൻ പറഞ്ഞ വാക്കുകളാണ് ചർച്ചയാകുന്നത്. ഒരു യൂട്യൂബ് ചാനലിലായിരുന്നു അദ്ദേഹത്തിന്റെ ഞെട്ടിക്കുന്ന വെളിപ്പെടുത്തൽ.
പെട്ടെന്നൊരു ദിവസം സുകന്യ അഭിനയം നിര്ത്തുകയും വിവാഹം കഴിച്ച് അമേരിക്കയ്ക്ക് പോവുകയും ചെയ്തു. പാടിയ വായും ആടിയ കാലും വെറുതെയിരിക്കില്ല എന്നാണ് പറയുക. നടിമാര്ക്ക് എവിടെ തിരിഞ്ഞാലും സേവിക്കാന് തയ്യാറായി നില്ക്കുന്ന ആളുകളുണ്ടാകും. റാണിയെ പോലെയായിരിക്കും ജീവിതം. എന്നാല് അമേരിക്കയിലേക്ക് പോയപ്പോള് സുകന്യയുടെ ജീവതമാകെ മാറി. എല്ലാം സ്വയം ചെയ്യേണ്ട അവസ്ഥയായി. തന്റെ മാര്ക്കറ്റിന്റെ പീക്കില് നില്ക്കുമ്പോഴാണ് സുകന്യ കല്യാണം കഴിക്കുന്നതും അമേരിക്കയ്ക്ക് പോകുന്നതും. തന്റെ നാട്ടിലെ ആഢംബര ജീവിതം അവര്ക്ക് അവിടെ ജീവിക്കാന് സാധിച്ചില്ല.
എത്ര വലിയ ആളാണെങ്കിലും അവരവരുടെ ജോലി അവര് തന്നെ ചെയ്യണം. ഇതിന് പുറമെ ഭര്ത്താവിന്റെ ഭാഗത്തു നിന്നും മോശം അനുഭവങ്ങളും സുകന്യയ്ക്ക് നേരിടേണ്ടി വന്നു. അദ്ദേഹം വിവാഹത്തിന് എതിരായിരുന്നു. അതോടെ സുകന്യ നാട്ടിലേക്ക് തിരികെ വന്നു. പോയത് പോലെ തന്നെ തിരിച്ചു വന്നു എന്ന് പറയുന്നതു പോലെയായിരുന്നു സുകന്യയുടെ തിരിച്ചു വരവ്. അമേരിക്കയില് പോയതും തിരിച്ചു വന്നതും അതിവേഗമായിരുന്നു. പക്ഷെ വിവാഹ മോചനത്തില് ചില പ്രശ്നങ്ങളുണ്ടായി. വിവാഹം അമേരിക്കയില് വച്ച് നടന്നതിനാല് ആ വിവാഹത്തിന് ഇന്ത്യയില് നിയമസാധുതയില്ലായിരുന്നു. എന്തായാലും വിവാഹ മോചനത്തിന് ശേഷം സുകന്യ വീണ്ടും അഭിനയിക്കാന് തുടങ്ങി.
എന്നാല് വിവാഹ ശേഷം അഭിനയിക്കുമ്പോള് നടിമാര്ക്ക് മാര്ക്കറ്റ് കുറയും. അതേ അവസ്ഥയായിരുന്നു സുകന്യക്കും. എങ്കിലും കുറേ സിനിമകളില് നായികയായി സുകന്യ അഭിനയിച്ചു. സത്യരാജിനും കമല്ഹാസനുമൊക്കെ ഒപ്പം സുകന്യ അഭിനയിച്ചു. നിരവധി സൂപ്പര് ഹിറ്റുകളില് അഭിനയിച്ചു. പൊതുവെ വിവാദങ്ങളൊന്നുമില്ലാത്ത കരിയറായിരുന്നു സുകന്യയുടേത്.''- രംഘനാഥന് പറയുന്നു. എന്നാല് ജയലളിതയുടെ മന്ത്രിസഭയിലെ ഒരു മന്ത്രിയുമായി സുകന്യയ്ക്ക് രഹസ്യ ബന്ധമുണ്ടായിരുന്നുവെന്നും അത് സത്യമാണോ എന്നറിയില്ലയെന്നും രംഘനാഥന് പറയുന്നുണ്ട്. ഇയാള് ഇപ്പോഴും രാഷ്ട്രീയത്തിലുണ്ടെന്നും രംഘനാഥന് പറയുന്നു. സുകന്യയുടെ കരിയറില് കേട്ട ഏക ഗോസിപ്പായിരുന്നു അത്. ആ സംഭവം സുകന്യയുടെ കരിയറിനെ ബാധിച്ചുവെന്നും താരത്തിന്റെ മാര്ക്കറ്റ് കുറഞ്ഞുവെന്നും രംഘനാഥന് പറയുന്നു.
2002 ഏപ്രിലിൽ ന്യൂ ജേഴ്സിയിലെ ബാലാജി ക്ഷേത്രത്തിൽ വച്ചായിരുന്നു സുകന്യയുടെ വിവാഹം. സിനിമകളിൽ നായികയായി തിളങ്ങി നിൽക്കുന്ന വേളയിൽ ആയിരുന്നു നടിയുടെ വിവാഹം. അമേരിക്കയിൽ സ്ഥിര താമസക്കാരനായിരുന്നു ശ്രീധർ ആണ് സുകന്യയെ വിവാഹം കഴിച്ചത്. എന്നാൽ ഒരു വർഷം ആയിരുന്നു ആ ബന്ധത്തിന്റെ ആയുസ്സ്. ഭർത്താവിന്റെ ക്രൂരത അതിരുവിടുന്നുവെന്നും താങ്ങാൻ കഴിയുന്നില്ലെന്നും കാണിച്ച് സുകന്യ വിവാഹ മോചനം ആവശ്യപ്പെട്ടിരുന്നു.
അമേരിക്കയിൽ നിന്ന് സുകന്യ ചെന്നൈയിലേക്ക് എത്തിയാണ് കേസ് ഫയൽ ചെയ്തത്. എന്നാൽ സുകന്യയ്ക്ക് വിവാഹമോചനം ലഭിക്കുന്നതിൽ നിന്ന് തടയാൻ ശ്രീധർ ശ്രമിച്ചു. യുഎസ്എയിലെ ന്യൂജേഴ്സിയിൽ വിവാഹിതരായിരുന്നതിനാൽ ചെന്നൈയിൽ സുകന്യയുടെ വിവാഹമോചനംനടക്കില്ലെന്ന് കാണിച്ചുകൊണ്ട് ഭർത്താവ് വാദിച്ചു. എന്നാൽ, വിവാഹം എവിടെവെച്ച് നടന്നാലും ഭാര്യക്ക് സ്വന്തം പട്ടണത്തിൽ വെച്ച് വിവാഹമോചനത്തിന് അപേക്ഷിക്കാമെന്ന് ജഡ്ജി വിധിച്ചു. അങ്ങനെ ഇരുവരുടേയും വിവാഹമോചനം നടക്കുയായിരുന്നു.
https://www.facebook.com/Malayalivartha