40 വർഷം പൂർത്തിയാക്കിയതിന് മീനയെ ആദരിക്കുന്ന പരിപാടിക്കായി ആവശ്യപ്പെട്ടത് ലക്ഷങ്ങൾ: ഞെട്ടിച്ച് ആ തെളിവുകൾ...
കഴിഞ്ഞ നാല് പതിറ്റാണ്ടായി തെന്നിന്ത്യൻ സിനിമ ലോകത്തെ നിറസാന്നിധ്യമാണ് നടി. മീനയ്ക്കൊപ്പം തിളങ്ങി നിന്ന അന്നത്തെ നായിക നടിമാരുടെ കരിയർ ഗ്രാഫ് പരിശോധിക്കുകയാണെങ്കിൽ വിവാഹ ശേഷം പലരുടെയും ഗ്രാഫ് താഴ്ന്നെങ്കിലും മീനയുടെ കാര്യത്തിൽ അങ്ങനെ ആയിരുന്നില്ല. ഇടയ്ക്ക് കുറച്ച് കാലം അഭിനയത്തിൽ നിന്ന് വിട്ട് നിന്നെങ്കിലും രണ്ടാം വരവ് മീന ഗംഭീരമാക്കി. ദൃശ്യം ഉൾപ്പെടെ ഒരുപിടി ഹിറ്റ് സിനിമകളുടെ ഭാഗമാവാൻ മീനയ്ക്ക് സാധിച്ചിരുന്നു. നിരവധി കഥാപാത്രങ്ങളിലൂടെ തെന്നിന്ത്യയുടെ പ്രിയപ്പെട്ട നടിയായി താരം മാറുകയായിരുന്നു. ബാലതാരമായി സിനിമയില് എത്തിയ മീന നായികയായി പ്രേക്ഷക മനസുകള് കീഴടക്കുകയായിരുന്നു.
ഇപ്പോഴും മലയാളത്തിലുള്പ്പെടെ തെന്നിന്ത്യയിലെ എല്ലാ ഭാഷകളിലും തിളങ്ങി നില്ക്കുകയാണ് താരം. രജനികാന്തിന്റെയും ശിവകുമറിന്റെയും മകളായി സിനിമ തുടങ്ങിയ മീന പിന്നീട് രജനിയുടെ തന്നെ നായികയായി എത്തി. തെന്നിന്ത്യന് സിനിമകളിലെ മിക്ക സൂപ്പര് സ്റ്റാറുകളുടെയും നായികയായി തിളങ്ങി. സിനിമാ ലോകത്ത് തന്റേതായ ഒരിടം സ്വന്തമാക്കാൻ താരത്തിന് കഴിഞ്ഞു. മമ്മൂട്ടി, മോഹന്ലാല്, സുരേഷ് ഗോപി, ശ്രീനിവാസന്, ജയറാം തുടങ്ങിയ നായകന്മാരുടെ എല്ലാം നായികയായെത്തിയത് മീന ആയിരുന്നു. മോഹന്ലാല് നായകനായി എത്തിയ ബ്രോ ഡാഡി എന്ന ചിത്രത്തിലാണ് മീന മലയാളത്തില് അവസാനമായി എത്തിയത്.
ഭർത്താവ് വിദ്യസാഗറിന്റെ മരണ ശേഷം സിനിമയിലും ടെലിവിഷൻ പരിപാടികളിലുമൊക്കെയായി വളരെ സജീവമായി നിൽക്കുകയാണ് താരം. മീന സിനിമയിൽ 40 വർഷം പൂർത്തിയാക്കിയത് തമിഴ് സിനിമ ലോകം അടുത്തിടെ വലിയ ആഘോഷമാക്കി മാറ്റിയിരുന്നു. തമിഴിലെ ഒരു ചാനൽ ഇതിന്റെ ഭാഗമായി ഒരു പരിപാടിയും നടത്തിയിരുന്നു. തമിഴ് സിനിമ ലോകത്തെ പല പ്രമുഖരും പരിപാടിയിൽ പങ്കെടുത്തിരുന്നു. ഇപ്പോഴിതാ ആ പരിപാടിയെ കുറിച്ചും അതിന് മീന വാങ്ങിയ പ്രതിഫലത്തെ കുറിച്ചുമൊക്കെ സംസാരിച്ചിരിക്കുകയാണ് നടനും സിനിമാ നിരൂപകനുമായ ബെയിൽവാൻ രംഗനാഥൻ.
നേരത്തെ മീനയുടെ വിവാഹം സംബന്ധിച്ചടക്കം ചില പരാമർശങ്ങൾ നടത്തി ബെയിൽവാൻ രംഗനാഥൻ ശ്രദ്ധ നേടിയിട്ടുണ്ട്. അതുപോലെ രംഗനാഥന്റെ പുതിയ വെളിപ്പെടുത്തലും സോഷ്യൽ മീഡിയയിൽ ചർച്ചയായി മാറുകയാണ്. 40 വർഷം പൂർത്തിയാക്കിയതിന് മീനയെ ആദരിക്കുന്ന പരിപാടിക്കായി മീന ആവശ്യപ്പെട്ടത് ലക്ഷങ്ങളാണെന്നാണ് രംഗനാഥൻ പറയുന്നത്. ആദ്യം പരിപാടിയിൽ പങ്കെടുക്കാൻ വിസമ്മതിച്ച മീന ആ തുക നൽകാമെന്ന് സംഘാടകർ പറഞ്ഞതോടെ സമ്മതിക്കുകയായിരുന്നു എന്നും അദ്ദേഹം പറയുന്നു.
രാത്രി 8 മണി മുതൽ 10 മണി വരെ, രണ്ടു മണിക്കൂർ പ്രോഗ്രാമിനായി 13 ലക്ഷം രൂപ പ്രതിഫലമായി നൽകാമെന്ന് സ്വകാര്യ യൂട്യൂബ് ചാനൽ സമ്മതിച്ചു. ഇതോടെയാണ് മീന പരിപാടിയിൽ പങ്കെടുക്കാൻ സമ്മതിച്ചതെന്ന് രംഗനാഥൻ പറയുന്നു. അത് കൂടാതെ രജനികാന്തിനെ കൂടി പരിപാടിയിൽ എത്തിച്ചാൽ ഷോയുടെ റീച്ച് കൂടുമെന്ന് യൂട്യൂബ് ചാനലുകാർ പറഞ്ഞത്തോടെ, ഞാൻ പറഞ്ഞാൽ രജനി സാർ വരുമെന്ന് പറഞ്ഞ് മീന രജനിയെ കൊണ്ടുവന്നുവെന്നും ബെയിൽവാൻ രംഗനാഥൻ പറയുന്നു. രംഗനാഥന്റെ വെളിപ്പെടുത്തലിൽ ഞെട്ടിയിരിക്കുകയാണ് ആരാധകർ.
കുറച്ച് നാളുകള്ക്ക് മുമ്പായിരുന്നു മീനയുടെ 40 വര്ഷങ്ങളുടെ ആഘോഷം നടന്നത്. നടന് രജിനികാന്ത് ഉള്പ്പെയുള്ളവര് പരിപാടിയില് മീനയെ ആദരിക്കാനെത്തി. രാധിക, റോജ, സുഹാസിനി, ശരത്കുമാര് തുടങ്ങി നിരവധി താരങ്ങള് ചടങ്ങില് പങ്കെടുത്തു. ചടങ്ങില് മീനയുടെ മകള് നൈനിക വിദ്യാസാഗറും സംസാരിച്ചു. ഇപ്പോൾ മലയാളത്തിൽ അടക്കം ടെലിവിഷൻ ഷോകളുടെ ഭാഗമാണ് മീന. അമ്മയും മകളും എന്ന പരിപാടിയിലും എന്റെ അമ്മ സൂപ്പറാ എന്ന പരിപാടിയിലും ജഡ്ജായിട്ടാണ് മീന എത്തുന്നത്.
https://www.facebook.com/Malayalivartha