അലക്ഷ്യമായി വാഹനം ഓടിച്ചതിനെതിരെ നടനും മുന് എംപിയുമായ സുരേഷ് ഗോപി നല്കിയ പരാതിയില് ലോറി ഡ്രൈവര് അറസ്റ്റില്
അലക്ഷ്യമായി വാഹനം ഓടിച്ചതിനെതിരെ നടനും മുന് എംപിയുമായ സുരേഷ് ഗോപി നല്കിയ പരാതിയില് ലോറി ഡ്രൈവര് അറസ്റ്റില്. തമിഴ്നാട് സ്വദേശി എസ് ഭരത് (29)ആണ് പിടിയിലായത്.
സുരേഷ് ഗോപി സഞ്ചരിച്ചിരുന്ന വാഹനത്തിന് സൈഡ് കൊടുക്കാതെ അലക്ഷ്യമായാണ് ഇയാള് ലോറി ഓടിച്ചത്. ഇന്നലെ രാത്രി 11 മണിയോടെ കളമശേരി തോഷിബ ജംക്ഷനു സമീപത്തു വച്ചാണു സംഭവം നടന്നത്.
അന്തരിച്ച നടന് കൊല്ലം സുധിക്ക് ആദരാഞ്ജലികള് അര്പ്പിച്ച ശേഷം സുരേഷ് ഗോപി തൃശൂരിലേക്കു പോകുമ്പോഴാണ് വാഹനത്തെ കടത്തിവിടാതെ തടസ്സപ്പെടുത്തിയത്. നിരന്തരം ഹോണ് മുഴക്കിയിട്ടും മാര്ഗതടസം സൃഷ്ടിച്ചാണ് ഇയാള് വാഹനം ഓടിച്ചിരുന്നത്. ഇടത്തോട്ടും വലത്തോട്ടും ലോറി ഓടിച്ച് വാഹനത്തെ കടത്തിവിടാന് ഡ്രൈവര് തയ്യാറായിരുന്നില്ല.
സുരേഷ് ഗോപി പൊലീസ് കണ്ട്രോള് റൂമില് വിവരം അറിയിച്ചതിനെ തുടര്ന്ന് ഇന്നലെ രാത്രി അങ്കമാലിയില് വച്ചാണ് ഇയാളെ പൊലീസ് കസ്റ്റഡിയിലെടുത്തത്. ഇയാള് മദ്യലഹരിയില് ആയിരുന്നുവെന്ന് പൊലീസ് . ലോറി കോടതിക്ക് കൈമാറുകയും ഭരതിനെതിരെ സ്വമേധയ പോലീസ് കേസെടുക്കുകയും ചെയ്തു.
https://www.facebook.com/Malayalivartha