മലയാളസിനിമയുടെ അഭിനയ കാരണവര്‍ പൂജപ്പുര രവിക്ക് (84) സാംസ്‌കാരിക കേരളം ചൊവ്വാഴ്ച വിട ചൊല്ലും. ഞായറാഴ്ച രാത്രി പത്തരയോടെ പൂജപ്പുരയിലെ വസതിയില്‍ എത്തിച്ച മൃതശരീരത്തില്‍ നാട് ആദരാഞ്ജലി അര്‍പ്പിച്ചു.

ഇന്ന് രാവിലെ 10ന് ഭാരത്ഭവനില്‍ പൊതുദര്‍ശനത്തിന് വെക്കും. ഉച്ചക്ക് 12ന് ശാന്തികവാടത്തിലാണ് സംസ്‌കാരം. മന്ത്രിമാരായ വി. ശിവന്‍കുട്ടി, ജി.ആര്‍. അനില്‍, സി.പി.എം ജില്ല സെക്രട്ടറി വി. ജോയി, ഡി.സി.സി പ്രസിഡന്റ് പാലോട് രവി, സി.പി.ഐ ജില്ല സെക്രട്ടറി മാങ്കോട് രാധാകൃഷ്ണന്‍, ബി.ജെ.പി ജില്ല പ്രസിഡന്റ് വി.വി. രാജേഷ്, മുന്‍മന്ത്രിമാരായ വി.എം. സുധീരന്‍, വി.എസ്. ശിവകുമാര്‍ തുടങ്ങിയവര്‍ വീട്ടിലെത്തി അന്ത്യോപചാരമര്‍പ്പിച്ചു.

ഇടുക്കി മറയൂര്‍ പുതച്ചിവയലിലെ മകളുടെ വീട്ടില്‍ വിശ്രമജീവിതം നയിക്കുകയായിരുന്ന പൂജപ്പുര രവി ഞായറാഴ്ചയാണ് അന്തരിച്ചത്.