താരത്തിന്റെ ആരോഗ്യനില ഗുരുതരമാണെന്നും ആശുപത്രിയില്‍ പ്രവേശിപ്പിച്ചിരിക്കുകയാണെന്നും ചില ഓണ്‍ലൈന്‍ മാദ്ധ്യമങ്ങളില്‍ റിപ്പോര്‍ട്ട് വന്നിരുന്നു.എന്നാല്‍ തന്റെ ആരോഗ്യനിലയെക്കുറിച്ച് വന്ന വ്യാജ വാര്‍ത്തകളില്‍ പ്രതികരിച്ചിരിക്കുകയാണ് നടന്‍ ബാബുരാജ്. ബാബുരാജ് തന്റെ വര്‍ക്കൗട്ട് വീഡിയോ പങ്കുവച്ചാണ് പ്രതികരിച്ചത്. ഇന്‍സ്റ്റാഗ്രാം പേജിലാണ് വീഡിയോ പങ്കുവച്ചത്.

ഒപ്പം വ്യാജ റിപ്പോര്‍ട്ടിന്റെ സ്‌ക്രീന്‍ ഷോട്ടും ഉള്‍പ്പെടുത്തിയിരുന്നു.'ഞാന്‍ കാര്‍ഡിയോ ചെയ്യുകയാണ്. പക്ഷേ കാര്‍ഡിയോ വാര്‍ഡില്‍ അല്ല.' എന്ന അടിക്കുറിപ്പും വീഡിയോയ്ക്ക് ഒപ്പം പങ്കുവച്ചിട്ടുണ്ട്. 'തലയ്ക്ക് മീതേ ശൂന്യാകാശം താഴെ മരുഭൂമി' എന്ന പാട്ടും പശ്ചാത്തലത്തില്‍ കേള്‍ക്കാന്‍ കഴിയുന്നു. വീഡിയോ ഇതിനോടകം നിരവധിപേരാണ് കണ്ടത് നിരവധി കമന്റു വരുന്നുണ്ട്.

'നല്ല നിലാവുള്ള രാത്രി' എന്ന ചിത്രമാണ് ബാബുരാജിന്റെതായി ഇനി റിലീസ് ചെയ്യുനാള്ളത്. സ്ത്രീകഥാപാത്രങ്ങള്‍ ആരും തന്നെ ഇല്ലാത്ത ഒരു സിനിമ എന്ന പ്രത്യേകതയും നല്ല നിലാവുള്ള രാത്രിക്കുണ്ട്.നവാഗത സംവിധായകന്‍ മര്‍ഫി ദേവസി ചിത്രം സംവിധാനം ചെയ്യുന്നത്.

സാന്ദ്രാ തോമസ് പ്രൊഡക്ഷന്‍സിന്റെ ബാനറില്‍ സാന്ദ്ര തോമസ്, വില്‍സന്‍ തോമസ് എന്നിവരാണ് 'നല്ല നിലാവുള്ള രാത്രി' നിര്‍മിക്കുന്നത്. ഈ സീറ്റ് എഡ്ജ് ത്രില്ലര്‍ ചിത്രത്തില്‍ ചെമ്പന്‍ വിനോദ് ജോസ്, ബാബുരാജ്, ജിനു ജോസഫ്, ബിനു പപ്പു, റോണി ഡേവിഡ് രാജ്, ഗണപതി, നിതിന്‍ ജോര്‍ജ്, സജിന്‍ ചെറുകയില്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.